«Što prynosić bolšuju škodu ludziam? Kakain abo vykidy ad spalvańnia vuhlevadarodaŭ, u tym liku nafty?» — zadaŭsia pytańniem Pietra.
Zamiežnyja ŚMI adznačyli, što litaralna napiaredadni jon zajaviŭ, što Kałumbija płanuje skaracić pasievy koki, «abapirajučysia nie na vajennyja dziejańni, a na stvareńnie ŭmoŭ dla taho, kab sialanie znachodzili «rentabielnyja alternatyvy» vyroščvańniu raślin, jakija źmiaščajuć narkatyčnaje rečyva.
Novy prezident Kałumbii Hustava Pietra byŭ pryviedzieny da prysiahi 8 žniŭnia. Adnym z punktaŭ jaho prahramy byŭ zaklik da suśvietnaj supolnaści dekryminalizavać narkotyki.
«Pryjšoŭ čas pryniać novuju mižnarodnuju kanviencyju, jakaja pryznaje, što vajna z narkotykami paciarpieła paražeńnie. Viadoma, mir mahčymy. Ale heta zaležyć ad taho, ci budzie ciapierašniaja palityka ŭ dačynieńni da narkotykaŭ zamienienaja rašučymi mierami, jakija praduchilajuć spažyvańnie ŭ raźvitych hramadstvach», — padkreśliŭ Pietra.
Ŝo vsie budie dobrie
Dla kožnoho z nas