Kursy anhlijskaj movy: paraŭnoŭvajem ceny

Fota: pixabay.com

Minsk

Vidavočny šlach dla tych, chto šukaje ŭroki pa zamiežnaj movie, — heta źviarnucca da pryvatnych kursaŭ. U papularnaj minskaj škoły Streamline, jakaja taksama maje filijały ŭ abłasnych centrach, ceny na kursy dla darosłych pa anhlijskaj i polskaj movach pačynajucca ad 352 rubloŭ za 8 tydniaŭ zaniatkaŭ udzień, kali žadajecie chadzić uviečary, košt składzie 392 rubli. Padletkavyja kursy anhlijskaj kaštujuć u Streamline 344 rubli.

Trochi tańniej abydziecca anhlijskaja (a taksama ispanskaja i niamieckaja movy) — 336 rubloŭ — za ŭsio toj ža siemiestr pamieram u 160 akademičnych hadzin. U dziaciej, praŭda, ceny paraŭnalnyja: ad 298 rubloŭ za mienšy pa pamierach siemiestr — 140 akademičnych hadzin.

U škole Foreign language centre miesiac zaniatkaŭ dla darosłych kaštuje ad 184 rubloŭ, dla dziaciej — ad 136 rubloŭ. Ci pasprabujcie škołu RealWay, dzie ceny na kursy dla darosłych startujuć ad 144 rubloŭ za miesiac, dla dziaciej — ad 64 rubloŭ.

Narešcie, možna źviarnucca i ŭ dziaržaŭnyja ŭstanovy. Papularnyja, naprykład, kursy ŭ «iniazie» (MDŁU). Apłata ŭ ich idzie adrazu za ŭvieś siemiestr (4 miesiacy), i kaštuje jon 470 rubloŭ, što bolš vyhadna ŭ paraŭnańni z pryvatnymi škołami.

Abłasnyja centry

U rehijonach ceny na kursy anhlijskaj movy pradkazalna nižejšyja. Tak, miesiac zaniatkaŭ u Breście dvojčy na tydzień abydziecca vam u siarednim ad 100 rubloŭ — jak minimum, takija ceny prapanujuć škoły «Odiśsieja znanij» i International Language House. Praŭda, u hetym vypadku vy płacicie za zaniatki, što doŭžacca 80 chvilin.

Jość u Breście škoła, jakaja prapanuje kursy pa siaredniaj canie ad 60 rubloŭ na miesiac, — «Ńju-Ton». Zaniatki ŭ joj doŭžacca tolki hadzinu, i nichto nie harantuje, što kolkaść vučniaŭ u hrupie budzie niejak abmiežavanaja, ale kali treba sekanomić, heta dobry varyjant.

Ad 104 rubloŭ na miesiac startujuć ceny ŭ homielskaj škole anhlijskaj movy Mr. Language. Jość u Homieli i bolš darahija kursy, naprykład, škoła The English Company prapanuje zaniatki pa canie 128 rubloŭ na miesiac, ale pry hetym vam abiacajuć hrupu da 6 čałaviek, efiektyŭnuju prahramu z Oksfarda i vykładčyka-ekśpierta.

Trochi nižejšyja ceny možna znajści ŭ mahiloŭskaj škole «Profi». Tak, adzin zaniatak praciahłaściu ŭ standartnyja 80 chvilin abydziecca tut u 12 rubloŭ, što daje prykładna 96 rubloŭ na miesiac. Hatovy zapłacić bolš? Mahiloŭskaja škoła zamiežnaj movy «Aśpiekt» prosić ad 186 rubloŭ za 6 tydniaŭ anhlijskaj movy dla darosłych, i heta nie prosta tak: škoła pracuje z 2001 hoda, a jaje vykładčyki, jak paviedamlajecca na sajcie škoły, majuć mižnarodnyja siertyfikaty, što paćviardžajuć ich kvalifikacyju.

U niekatorych biełaruskich moŭnych škołach možna znajści vielmi niečakanyja techniki vyvučeńnia movy. Tak, hrodzienskaja moŭnaja studyja Yes prapanuje tak zvanuju mietodyku dyjałohavaha ŭzajemadziejańnia — hetaja technika nibyta ŭnikalnaja, ale nasamreč jana duža nahadvaje vielmi papularny siońnia kamunikatyŭny padychod u vyvučeńni zamiežnaj movy.

Tak ci inakš, miesiac zaniatkaŭ u hetaj studyi abydziecca vam u 104 rubli, i heta nie samyja vysokija ličby ŭ Hrodnie. Troški bolš vy zapłacicie, naprykład, u škole Mr. English, dzie ceny na kursy startujuć ad 120 rubloŭ u vypadku z pačatkovym uzroŭniem anhlijskaj. Anałahičnyja ceny ŭ hrodzienskaj škole Happy English — ad 510 rubloŭ za 4 miesiacy, što ekvivalentna 127,5 rubla za miesiac.

Na poŭnačy Biełarusi, u Viciebsku, ceny na anhlijskuju vyšejšyja. Naprykład, kamunikatyŭny kurs anhlijskaj movy ŭ viciebskaj škole Light English budzie kaštavać vam 140 rubloŭ u miesiac, bazavy kurs anhlijskaj u škole Lingvobelka — 170 rubloŭ. Narešcie, adznačym viciebskuju škołu «Elemientarno!», jakaja ŭvohule paznačaje ceny na svaim sajcie ŭ dalarach. Kali razhladać tyja kursy škoły, dzie zaniatki adbyvajucca dvojčy na tydzień, jak heta i pryniata, ceny na ich startujuć ad 81 dalara na miesiac.

«Naša Niva» — krynica jakasnaj infarmacyi i bastyjon biełaruščyny

PADTRYMAĆ «NN»