Śledčy kamitet adnosna hetaha incydenta paviedamiŭ:
«Ustanoŭlena, što pry vykarystańni lifta pamiž pieršym i cokalnym paviercham adbyłosia ekstrannaje spynieńnie kabiny z-za pierahruzki, dzie pačałasia ciskanina. Tam znachodzilisia bolš za 15 čałaviek pry dapuščalnaj normie nie bolš za 13 čałaviek».
Pa miedycynskuju dapamohu, pavodle SK, źviarnulisia piaciora niepaŭnaletnich. Ciažkich traŭmaŭ, jak śćviardžajecca, u vyniku ciskaniny atrymana nie było, žyćciu i zdaroŭju dziaciej ničoha nie pahražaje.
U subotu, 24 vieraśnia, u Minsku anansavałasia sustreča ź Miłanaj Chamietavaj. Heta 12-hadovaja rasijskaja błohierka, madel i śpiavačka. Sustreča prachodziła ŭ handlovym centry Dana Mall i pavinna była doŭžycca z 15.00 da 17.00. U handlovym centry sabrałasia niekalki tysiač padletkaŭ, pačałasia ciskanina. U vyniku ŭsia sustreča prachodziła zamiest dvuch hadzin 10 chvilin, jaje musili admianić, a dziaciej z pamiaškańnia handlovaha centra vyciaśniali siłaviki.
Čytajcie taksama:
«Pačałasia ciskanina, AMAP pačaŭ razhaniać ludziej». Što adbyvałasia siońnia ŭ Dana Mall
