Arciom Kamardzin

Arciom Kamardzin

Siońnia dniom palicyja pryjšła ŭ kvateru da aktyvistaŭ Arcioma Kamardzina, Alaksandry Papovaj i Alaksandra Mieniukova. Palicejskija nie puścili advakata ŭ kvateru, spasłaŭšysia na toje, što tam pravodzicca apieratyŭna-vyšukovaje mierapryjemstva «ahlad pamiaškańnia».

U chodzie «mierapryjemstva» siłaviki «vielmi mocna źbili Kamardzina i zasunuli jamu ŭ analnuju adtulinu hantelu». Paśla hetaha jany prymusili jaho paprasić prabačeńnia na kamieru za skazanyja im słovy «Słava Kijeŭskaj Rusi, Navarosija — sasi». Arciom da hetaha času ŭ palicyi.

U adnym z telehram-kanałaŭ źjaviłasia videa z «prabačeńniami» zatrymanych. Papovu i Kamardzina vyvieli z kvatery ŭ kajdankach, Mieniukova — biez kajdankaŭ. Heta adbyłosia prykładna ŭ 17:00, usich aktyvistaŭ pavieźli ŭ Śledčy adździeł Śledčaha kamiteta.

Paśla stała viadoma, što Arciom Kamardzin aficyjna staŭ padazravanym pavodle art. 282 č.2 p. a KK (raspalvańnie nianaviści albo varožaści z užyvańniem hvałtu abo pahrozaj jaho ŭžyvańnia), raskazaŭ jahony advakat Leanid Sałaŭjoŭ.

25 vieraśnia la pomnika paetu Uładzimiru Majakoŭskamu ŭ Maskvie prajšli «Majakoŭskija čytańni» — akcyja, na jakoj prysutnyja čytajuć vieršy. Tradycyjnyja paetyčnyja čytańni na Tryumfalnaj płoščy ŭ vieraśni aktyvisty abviaścili «antymabilizacyjnymi», i Kamardzin braŭ u ich udzieł.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?