Pusk balistyčnaj rakiety. Fota Minabarony Rasii via AP
Ale nie panikujcie — heta tolki hipatetyka. Kamanda AsapSCIENCE raźbiraje teoryju ab jadziernych bombach, kab pradkazać, nakolki imavierna, što vy vyžyviecie.
U videa AsapSCIENCE razhladajecca bomba mahutnaściu ŭ 1 miehatonu, jakaja ŭ 80 razoŭ bolšaja za bombu, uzarvanuju nad Chirasimaj, ale značna mienšaja za mnohija sučasnyja adzinki jadziernaj zbroi.
Samaj mahutnaj adzinkaj jadziernaj zbroi za ŭsiu historyi źjaŭlajecca 50-miehatonnaja Car-bomba, jakaja była skinutaja na izalavany vostraŭ u SSSR i vyłučyła enierhiju ŭ pamiery prykładna jak 3333 bombaŭ Chirasimy razam.
Razmaŭlajučy pra nastupstvy, pieršym punktam treba adznačyć, što niama dakładnaha sposabu acanić uździejańnie adnoj jadziernaj bomby, tamu što heta zaležyć ad mnohich faktaraŭ, uklučajučy nadvorje ŭ dzień jaje skidańnia; čas sutak, kali jana ŭzarvałasia; hieahrafičnaje raźmiaščeńnie miesca, kudy jana papadaje; a taksama — vybuchaje jana na ziamli ci ŭ pavietry.
Ale ŭ cełym jość niekatoryja pradkazalnyja etapy vybuchu jadziernaj bomby, jakija mohuć paŭpłyvać na imaviernaść vašaha vyžyvańnia.
Prykładna 35 adsotkaŭ enierhii jadziernaha vybuchu vyzvalajecca ŭ vyhladzie ciepłavoha vypramieńvańnia. Pakolki ciepłavoje vypramieńvańnie raspaŭsiudžvajecca pryblizna z chutkaściu śviatła, pieršaje, što vas udaryć, — heta ŭspyška aślaplalnaha śviatła i ciapła.
Samoha śviatła dastatkova, kab vyklikać tak zvanaje aślapleńnie vybliskam — zvyčajna, časovuju formu straty zroku, jakaja moža doŭžycca niekalki chvilin.
Pry vybuchu bomby mahutnaściu ŭ miehatonu ŭdzień buduć aśleplenyja ludzi, jakija znachodziacca na adlehłaści da 21 km ad epicentra, a ŭnačy buduć časova aśleplenyja ludzi ŭ radyusie da 85 km.
Jadzierny vybuch spapialić usio ŭ svaim epicentry. Lohkija apioki pieršaj stupieni buduć uźnikać na adlehłaści da 11 km, a apioki treciaj stupieni — takija, jakija razburajuć tkanki skury i stvarajuć puchiry — buduć u luboha čałavieka, jaki znachodzicca na adlehłaści da 8 km ad epicentra. Apioki treciaj stupieni, jakija achoplivajuć bolš za 24 adsotki cieła, mohuć być śmiarotnymi, kali ludziam nieadkładna nie akazać miedycynskuju dapamohu.
Hetyja adlehłaści mohuć być trochi bolšymi abo mienšymi ŭ zaležnaści nie tolki ad nadvorja, ale i ad taho, u što vy apranutyja — biełaja vopratka moža adbivać častku enierhii vybuchu, a bolš ciomnaja — pahłynać jaje.
Chacia heta naŭrad ci budzie mieć vialikaje značeńnie dla tych, kamu nie paščaściła apynucca blizka ad miesca vybuchu.
Tempieratura kala miesca vybuchu bomby ŭ Chirasimie była acenienaja ŭ 300000 hradusaŭ pa Celsiju — što prykładna ŭ 300 razoŭ vyšej za tempieraturu kremacyi. Tamu ludzi amal imhnienna byli rasščeplenyja da samych bazavych elemientaŭ, takich, jak vuhlarod.
Ale dla tych, chto znachodzicca krychu dalej ad centra vybuchu, jość inšyja efiekty, jakija varta ŭličvać, akramia ciapła. Jadzierny vybuch taksama honić pavietra ad epicentra, stvarajučy rezkija źmieny pavietranaha cisku, jakija mohuć źniščać pradmiety i razburać budynki.
U radyusie 6 km ad vybuchu 1-miehatonnaj bomby vybuchovaja chvala budzie mieć uździejańnie ŭ 180 mietryčnych ton siły na ścieny ŭsich dvuchpaviarchovych budynkaŭ i stvarać chutkaść vietru 255 km/h. U radyusie 1 km pikavy cisk u čatyry razy bolšy, a chutkaść vietru moža dasiahać 756 km/h.
Fizična ludzi mohuć vytrymać taki cisk, ale bolšaść ludziej zahinuła b u vyniku padzieńnia budynkaŭ.
Kali vy niejkim čynam pieražyviacie heta ŭsio, vam jašče daviadziecca mieć spravu z radyjacyjnym atručeńniem i jadziernymi apadkami.
Biahučyja nastupstvy dla płaniety byli b bolš praciahłymi, čym možna było čakać. Naprykład, jadziernaja vajna pamiž ZŠA i Rasijaj, zhodna z madelavańniem situacyi, apublikavanym u 2019 hodzie, ciaham niekalkich dzion adpraviła b Ziamlu ŭ jadziernuju zimu z-za ŭzroŭniu dymu i sažy, vykinutych u atmaśfieru.
My taksama viedajem, što radyjeaktyŭnyja čaścinki mohuć padarožničać nadzvyčaj daloka. Niadaŭniaje daśledavańnie pakazała, što reštki radyjeaktyŭnaha vuhlarodu ad vyprabavańniaŭ jadziernaj bomby časoŭ Chałodnaj vajny byli znojdzienyja ažno ŭ Maryjanskim žołabie, samym hłybokim miescy Suśvietnaha akijana.
Znoŭ ža, usio heta hipatetyčna, i my spadziajemsia, što vam nikoli nie spatrebicca karystacca hetaj infarmacyjaj na praktycy.
ličycie, što supakoili)
ale nie ŭličyli hałoŭnaha - kancentracyi AES i inšych škodnych dla navakolla pradpryjemstvaŭ u miescy naniasieńnia jadziernych udaraŭ