Instytut miarkuje, što krach u Limanskim katle, imavierna, budzie mieć surjoznyja nastupstvy dla rasijskaj hrupoŭki na poŭnačy Danieckaj i ŭ zachodniaj častcy Łuhanskaj vobłaści i moža dazvolić ukrainskim vojskam pahražać rasijskim pazicyjam uzdoŭž zachodniaj miažy Łuhanskaj vobłaści i na ŭčastku Sievieradanieck-Lisičansk.
Taksama ISW adznačaje, što Ministerstva abarony Rasii nie reahuje na biahučyja straty svaich vajskoŭcaŭ pad Limanam i nie rychtujecca da kałapsu na hetym učastku frontu, što, imavierna, jašče bolš źnizić i biez taho nizki maralny duch rasijan.
Akramia taho, budučyja pośpiechi Ukrainy ŭ krytyčna važnych rajonach Danieckaj i Łuhanskaj abłaściej «mohuć ubić dadatkovyja kliny pamiž rasijskimi nacyjanalistami i vajskovym kiraŭnictvam, a taksama pamiž rasijskimi vojskami i ich kamandavańniem».
Kreml moža časova adkłaści abviaščeńnie anieksii akupavanych Rasijaj ukrainskich terytoryj, kab lepš padrychtavać rasijskuju infarmacyjnuju prastoru i administracyjnuju arhanizacyju, choć 30 vieraśnia zastajecca najbolš imaviernaj dataj dla abviaščeńnia anieksii.
Pavodle instytuta, rasiejskija ŭłady praciahvajuć nakiroŭvać niadaŭna mabilizavanych i niedastatkova padrychtavanych navabrancaŭ nibyta dla ŭzmacnieńnia vielmi «dehradavanych reštkaŭ roznych padraździaleńniaŭ», u tym liku padraździaleńni, jakija raniej ličylisia hałoŭnymi bajavymi siłami Rasii.
