U omskaj vajskovaj častcy pamior jašče adzin mabilizavany 4

Zahinuły — druhi źleva razam ź inšymi mabilizavanymi krasnajarcami. Fota: čytač NGS24.RU

U biuro sudova-miedycynskaj ekśpiertyzy Omskaj vobłaści žurnalistam zajavili, što pryčyna śmierci mužčyny pakul nie ŭstanoŭlenaja, ekśpiertyza zojmie 1,5 miesiaca.

Žonka zahinułaha Śviatłana raskazała, što daviedałasia pra śmierć muža 2 kastryčnika paśla zvanka z vajennaj čaści. Padrabiaznaściaŭ joj nie paviedamili, spasłaŭšysia na śledstva.

Blizki siabar Źmitra, mabilizavany razam ź im u Omsk, raspavioŭ, što ŭ čaści im pahražali z-za kanfliktu ź inšymi vajskoŭcami.

«U nas jość padazreńnie, što jon nie sam, tamu što ŭ Dzimy nie było nijakich suicydalnych schilnaściej, nijakich sprob. U jaho dvoje maleńkich dziaciej. Kali jon sychodziŭ, byŭ u badziorym stanie duchu, źbiraŭsia viarnucca žyvym i zdarovym», — raspaviała žonka siabra Dźmitryja.

Žonka zahinułaha dadała, što Źmicier byŭ patryjotam i jechaŭ na vajnu «z žadańniem».

3 kastryčnika stała viadoma pra śmierć traich mabilizavanych u navučalnym centry Minabarony ŭ Śviardłoŭskaj vobłaści — adzin ź ich pakončyŭ z saboj. Taksama źjaŭlalisia paviedamleńni pra hibiel mabilizavanaha na pryzyŭnym punkcie ŭ Ciumienskaj vobłaści i jašče adnaho ŭ Novasibirskim vyšejšym vajennym kamandnym vučyliščy, paviedamlaje «Miaduza».

15

3

2

2

2

2

Nashaniva.com