AP Photo/Michael Probst

AP Photo/Michael Probst

«Što tyčycca druhoj nitki («Paŭnočnaha patoku — 2»), to jana hatovaja, pabudavanaja, i ŭ vypadku pryniaćcia nieabchodnych jurydyčnych rašeńniaŭ jeŭrapiejskimi kalehami adnosna jaje siertyfikacyi i źniaćcia abmiežavańniaŭ, ja dumaju, što Rasija ŭ karotkija terminy mahła b zabiaśpiečyć adpaviednyja pastaŭki pa hetaj vietcy hazapravoda», — skazaŭ Novak na pres-kanfierencyi ŭ Vienie.

Rasijski vice-premjer panarakaŭ, što da rasśledavańnia incydentaŭ na «Paŭnočnych patokach» nie dapuščanyja ni apieratar prajekta Nord Stream, ni rasijskija struktury. Heta, pa jaho słovach, pieraškadžaje abjektyŭnamu rasśledavańniu.

Raniej Novak zajaviŭ, što adnavić razburanuju marskuju infrastrukturu hazapravodaŭ «Paŭnočny patok» technična mahčyma.

Jak viadoma, u Jeŭropie ličać incydenty na nitkach rasijskaha hazapravoda nastupstvam naŭmysnych dziejańniaŭ. Prezident ZŠA Džo Bajden nazvaŭ paškodžańnie rasijskich hazapravodaŭ «Paŭnočny patok — 1» i «Paŭnočny patok — 2» śviadomym aktam dyviersii, što stała pieršaj padobnaj zajavaj amierykanskaha boku. Sa svajho boku, prezident Rasii Uładzimir Pucin abvinavaciŭ u dyviersii na hazapravodach ZŠA.

Na vychodnych Šviecyja i Danija zajavili, što ŭciečka hazu z paškodžanych trubaŭ spyniłasia, ale paśla šviedski patrul zaŭvažyŭ, što nievialikaja ŭciečka ŭ «Paŭnočnym patoku — 2» pavialičyłasia. Šviecyja dla rasśledavańnia zakryła dostup u zonu pablizu ŭciečak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?