Z 12 kastryčnika hulni, jakija raniej vydavalisia kampanijaj Wargaming, atrymali novyja nazvy: «Śviet tankaŭ», «Cviet karabloŭ» i Tanks Blitz. Heta adbyłosia z pryčyny sychodu Wargaming z rasijskaha rynku i pieradačy Lesta Games pravoŭ na apieracyjnuju dziejnaść i padtrymku hulniaŭ u Biełarusi i Rasii ŭ krasaviku, piša Dev.by.
Wargaming niekatory čas papiaredžvała hulcoŭ pra nieabchodnaść zrabić vybar: zastacca i hulać u Jeŭrapiejskim rehijonie, bo z 12 kastryčnika rehijony SND spyniajuć isnavańnie ŭ hulniach, albo ž pieranieści danyja ŭ Lesta Games.
Hulcam, jakija pražyvajuć u Biełarusi i Rasii, raniej rekamiendavali pieranieści svaje akaŭnty ŭ Lesta Games z zachavańniem hulniavoha pracesu, unutryhulniavych bonusaŭ i ŭznaharod. Heta dazvolić u tym liku apłačvać pakupki i atrymlivać stabilnyja abnaŭleńni.
