Zdymak ilustracyjny. Fota: janow.by
Surazmoŭcy «Našaj Nivy» z roznych vidaŭ vojskaŭ paviedamlajuć, što na hetym tydni im paviedamili pra zabaronu vyjezdu za miažu dla lubych metaŭ. Vyklučeńnie — vyjezdy ŭ Rasiju.
Heta adbyvajecca šlacham vusnych rasparadžeńniaŭ.
«Ale i piśmova daviaduć, zvyčajna tak i robicca. Spačatku skažuć na słovach, potym aformiać u zahad. Čamu nielha vyjazdžać? Tamu što paŭsiul vorah, nielha trapić jamu ŭ łapy. Ty patrebny na Radzimie ŭ taki čas, synok. Nu niejak tak», — kažuć našy surazmoŭcy.
Adnačasova z hetym pa ŭsioj krainie intensifikavałasia kampanija pa adbirańni pašpartoŭ u siłavikoŭ.
Raniej my paviedamlali pra praktyku adbirać pašparty ŭ milicyjanieraŭ, pakidajučy tolki ID-karty, što pazbaŭlaje čałavieka mahčymaści vyjechać za miažu.
«Nu raniej niechta zdavaŭ, niechta nie zdavaŭ, kahości ŭprošvali, chtości admachvaŭsia, tak jano i «spuskałasia». A ciapier užo prosta metava, z patrabavańniem, zabirajuć pašparty i adrazu ich u siejf, da načalnika», — skazaŭ nam milicyjanier adnaho z rajadździełaŭ.
U hety ž čas dva aficery zapasu raskazali, što ich vyklikali ŭ vajenkamaty nibyta dla «ŭdakładnieńnia źviestak», ale pa fakcie tam prapanoŭvali viarnucca na słužbu va Uzbrojenyja siły.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama: Krynicy: Rašeńnie ab mabilizacyi ŭ Biełarusi pryniataje. Jana projdzie pad vyhladam pravierki bajazdolnaści
Tłumačeńnie, čamu spatrebiłasia mabilizacyja, čytajcie tut: Krynicy ŭ armii patłumačyli, ci moža Łukašenka adpravić vojski va Ukrainu
Nu a MUSara sami pad heta padpisalisia. Chaj žyvuć na ptušynych pravach biez pašpartoŭ, kali łytki abmačyli pierajści na bok naroda ŭ 2020-m.