U viedamstvie paviedamili, što takuju inicyjatyvu vykazali nastaŭniki na sustrečy ź ministrami aśviety Siarhiejem Kraŭcovym i sportu Aleham Matycynym.
«Nastaŭniki padziakavali za ŭvahu da vučebnaj dyscypliny, a taksama prapanavali zrabić asobny modul pa nacyjanalnamu vidu sportu — łapcie. Ministr padtrymaŭ hetuju inicyjatyvu, i da kanca hoda źjavicca adpaviedny modul u ramkach pradmieta «Fizičnaja kultura».
Łapta — kaliści papularnaja ruskaja narodnaja kamandnaja hulnia ź miačom i bitaj. Meta hulni — udaram bity pasłać miač u pole, pierabiehčy pole da procilehłaha boku (kona) i viarnucca nazad, nie daŭšy supierniku zakranuć siabie miačom. Niečym padobnyja da łapty papularnyja na Zachadzie vidy sportu biejsboł i krykiet.
