Pavodle źviestak The New Yorker, u lutym Valeryj Załužny pradstaviŭ vajennamu ataše pasolstva ZŠA ŭ Kijevie svoj płan pa abaronie Ukrainy. Amierykanskaha pałkoŭnika zaprasili ŭ Hienštab i pakazali adnastaronkavy eskiz pazicyj USU i schiem bajavych dziejańniaŭ, dazvoliŭšy zrabić natatki. Adnak płan akazaŭsia falšyŭkaj, zaklikanaj schavać realny maštab vajennaj kampanii Valeryja Załužnaha i jaho padnačalenych.
«Tady my nikomu nie daviarali. Naš płan byŭ našym adzinym malusieńkim šancam na pośpiech, i my ŭvohule nie chacieli, kab chto-niebudź viedaŭ pra heta», — raskazaŭ vysokapastaŭleny ŭkrainski vajskoviec.
Valeryj Załužny chacieŭ nie dapuścić zachopu Kijeva i ŭ toj ža čas dazvolić rasiejcam uklinicca ŭ terytoryju Ukrainy, što pryviało b da praźmiernaha raściahvańnia linij zabieśpiačeńnia. Hałoŭnakamandujučy płanavaŭ u dalejšym źniščać mocna raściahnutyja vajskovyja čaści US RF i źniščalna bić pa ich linijach zabieśpiačeńnia.
Ułady ZŠA drenna razumieli płany Ukrainie pa abaronie. Staršynia Abjadnanaha kamiteta načalnikaŭ štaboŭ hienierał Mark Mili niekalki razoŭ na tydzień źviazvaŭsia z Valeryjem Załužnym, raspytvajučy jaho ab tym, jak ukraincy źbirajucca abaraniacca ad vojska Rasii. Amierykanski vajskoviec prapanavaŭ svaju stratehiju: vykarystoŭvać raśsiarodžanyja mabilnyja padraździaleńni, stvaryć niekalki linij abarony pa ŭsioj krainie i spałučać bajavyja dziejańni z partyzanskimi dyviersijami.
Vajskovy čynoŭnik z ZŠA raskazaŭ, što Valeryj Załužny nie śpiašaŭsia dzialicca svaimi płanami, a taksama raskryvać kolkaść uzbrajeńnia — zamiest hetaha pastajanna pieramiaščaŭ składy, kab ich nie identyfikavała armija RF. Niekatoryja amierykancy ličać, što hałoŭnakamandujučy USU, jak i prezident Uładzimir Zialenski, nie da kanca daviaraŭ raźvieddanym ZŠA.
Inšyja čynoŭniki ŭpeŭnienyja, byccam Załužny chavaŭ svaje płany navat ad kiraŭnika dziaržavy, bajučysia zahadu zharnuć padrychtoŭku. Adna z krynic vykazała mierkavańnie, što hałoŭnakamandujučy USU nie chacieŭ raskryvać sapraŭdnyja płany Marku Mili, kab Bieły dom zatym nie pieradaŭ ich Zialenskamu.
Adnak nie varta tut šukać kanśpirałohiju. Ukraincy prosta racyjanalna rabili ŭsio, kab minimizavać mahčymaść pierachopu infarmacyi rasijskaj ahienturaj nie tolki va Ukrainie, ale i ŭ krainach Zachadu. I paśpiachova.
Čytajcie taksama:
Ukrainski Manerhiejm. Chto jon, hienierał Załužny, i čamu jaho taktyku ciapier vyvučajuć va ŭsim śviecie
«U toj dzień Bajden raźvitaŭsia z usioj Ukrainaj». Žurnalisty rekanstrujavali try dni lutaha, kali pačałasia vajna, u jakuju nichto nie vieryŭ
Na fota papali knihi, jakija čytaje ŭkrainski kamandujučy Załužny
Novaja chłuśnia BT: ciapier pra kamandujučaha ŭkrainskaj armijaj
to bok vajna była zapłanavana ("cikava" - kim?) i niepaźbiežna?