Navučańnie budzie praciahvacca ź listapada 2022 h. pa maj 2023 h., zaniatki buduć prachodzić pa subotach.

Navučańnie — biaspłatnaje, on-line sustrečy. Tamu kraina pražyvańnie nie stanie pieraškodaj.

Praviły afarmleńnia zajaŭki

Uzrost udzielnikaŭ i ŭdzielnic — da 35 hadoŭ.

Zajaŭka pavinny ŭklučać: 1) ułasny mastacki tekst luboha žanru na biełaruskaj albo ruskaj movie abjomam 2-5 staronak; 2) matyvacyjny list z adkazam na pytańnie, čamu vy chočacie vučycca ŭ Škole; 3) śpis z 5-10 knih ci proźviščaŭ aŭtaraŭ, jakija na vas paŭpłyvali najbolš.

Uzory tvoraŭ, matyvacyjny list i śpis knih dasyłajcie na paštovuju skryniu [email protected] razam adnym fajłam u farmacie.doc.

Tema lista: Škoła 2022-2023

Na pieršaj staroncy fajła abaviazkova paznačcie svajo imia i proźvišča, adras pražyvańnia, datu naradžeńnia, e-mail i kantaktny numar telefona.

Fajł nazavicie łacinkaj nastupnym čynam ― «vašaje proźvišča, nižniaje padkreślivańnie, vašaje imia», naprykład: Pashkevich_Alaiza.doc

Zajaŭki nie recenzujucca. Pryjom pavodle konkursu, kolkaść miescaŭ abmiežavanaja, adbor pretendentaŭ adbyvajecca pavodle matyvacyjnych listoŭ i ŭzoru tvoraŭ. Pra vyniki pryjomnaj kampanii budzie paviedamlena ŭ paštovaj rassyłcy na adrasy, padadzienyja ŭ zajaŭkach. Dedłajn dasyłki zajavak — 25 kastryčnika. Padviadzieńnie vynikaŭ — 1 listapada.

Zaličanyja na kurs Škoły atrymajuć listy z padćvierdžańniem zaličeńnia na e-mail.

Клас
2
Панылы сорам
0
Ха-ха
0
Ого
0
Сумна
0
Абуральна
1