Kirył Budanaŭ
Jon adznačyŭ, što rasiejcy sapraŭdy «evakujujuć» z Chiersona «Pramsuviaźbank», inšyja finansavyja struktury, jakija sami tudy zavieźli.
Ale ŭ mnohich aśpiektach pravodzicca bolš infarmacyjnaja apieracyja i manipulacyja. Tak, akupanty vyvoziać najaŭnyja, sierviery, tak zvanuju akupacyjnuju ŭładu, pieravodziać usich ciažka paranienych, imknucca jak maha chutčej vypisvać z balnic tych, chto moža chadzić, i pravodziać hetuju infarmacyjnuju kampaniju, što «my kłapocimsia pra ludziej».
«Heta značyć stvarajuć iluziju taho, što ŭsio prapała. A razam z tym jany naadvarot zavodziać tudy novyja voinskija padraździaleńni i rychtujuć vulicy horada da abarony», — skazaŭ Budanaŭ.
Pavodle jaho słoŭ, rasiejcy razumiejuć, što, kali USU voźmuć choć by kantrol nad płacinaj Kachoŭskaj HES, jakaja ciapier źjaŭlajecca adzinaj transpartnaj arteryjaj, jakaja paŭnavartasna funkcyjanuje, im treba budzie chutka prymać rašeńnie: ci vielmi-vielmi chutka pakidać horad i vychodzić, ci jany ryzykujuć apynucca ŭ toj situacyi, u jakoj raniej apynulisia ŭkrainskija abaroncy ŭ Maryupali.
«I voś razumiejučy heta ŭsio, jany rychtujuć hlebu, kab, kali spatrebicca, vielmi chutka adtul vyjści. Adnak jany nie rychtujucca da vychadu ciapier, jany rychtujucca da abarony», — dadaŭ kiraŭnik HUR.
