Čuvašskaha aktyvista abviaścili ŭ Rasii «inšaahientam», jon aryhinalna vykazaŭ svoj pratest 1

U Rasii tyja, chto pryznajecca «inšaahientami», jak ŚMI, tak i fizičnyja asoby, musiać paznačać svoj kantent admysłovym ździeklivym klajmom — vialikimi litarami ŭ pačatku tekstu napisać śpiecyjalna zaćvierdžanuju formułu, u jakoj čytačy papiaredžvajucca, što napisanaja nižej infarmacyja stvoranaja «inšaahientam». 

Siamion Kočkin, daviedaŭšysia pra svoj novy status, taksama pastaviŭ u siabie takoje klajmo, ale demanstratyŭna pierakłaŭ jaho na čuvašskuju movu.

Praŭda, Kočkin ciapier vymušana znachodzicca za miežami Rasii, jak taksama i inšy nacyjanalny aktyvist, pryznany «inšaahientam» adnačasova ź im — Rusłan Habasaŭ z Baškartastana.

Čuvašy — paŭtaramiljonny narod, radzima jakoha — Pavołža. Heta adzin z najbujniejšych narodaŭ Rasii, z karennych narodaŭ jon sastupaje pa kolkaści, aprača ruskich, tolki tataram, baškiram i čačencam. Čuvašskaja mova — ciurkskaja, ale vielmi śpiecyfičnaja. Heta adzinaja žyvaja mova z bułharskaj hrupy ciurkskich moŭ, astatnija movy z hetaj hrupy daŭno vymierli. Tamu čuvašskaj movy inšyja ciurki amal nie razumiejuć, u tym liku i najbližejšyja susiedzi čuvašoŭ — tatary i baškiry.

62

1

6

0

1

4

Nashaniva.com