Fota tut i dalej: Realt.by
Dom raźmieščany ŭ pasiołku Kałodziščy, na vulicy Lasnyja aziory. Da MKAD — 5 chvilin, da centra horada — 20 chvilin, a da aeraporta — 30 chvilin na aŭto. Padjaznyja šlachi asfaltavanyja, terytoryja začyniena, ujezd praz šłahbaŭm.
Voś jak hetaja terytoryja vyhladaje ciapier z vyšyni.
Raźmiaščeńnie ŭnikalnaje: heta žyćcio na pryrodzie z usimi haradskimi vyhodami i mahčymaściu chutka dajechać da Minska. Pobač z učastkam znachodziacca pali dla holfa, lasy. Tut vielmi cicha i śvieža. Darosłyja, dzieci i chatnija žyvioły buduć pačuvacca kamfortna.
Nizkaja ščylnaść zabudovy, stylnaja architektura navakolnych damoŭ, dahledžanaja terytoryja vakoł — usio heta stvaraje natchnialnuju atmaśfieru. Miascovyja žychary hulajuć u holf, katajucca na rovarach i prosta špacyrujuć, lubujučysia malaŭničymi krajavidami i dychajučy čystym pavietram.
Centralnyja kamunikacyi, haraž, SPA-zona i hatovy dyzajn-prajekt
Vuhłavy ŭčastak, na jakim raźmieščany dom, prymykaje da holf-paloŭ. Jon zajmaje 25 sotak, a pa fakcie ŭ haspadaroŭ budzie navat bolš svabodnaj terytoryi. Pobač užo niama miesca dla inšych učastkaŭ, vakoł — les i dahledžanyja hazony holf-kłuba. Heta harantuje spakoj i adzinotu.
Na ŭčastku — maładyja, ale ŭžo mocnyja biarozy i chvojnyja drevy.
Ahulnaja płošča dvuchuzroŭnievaha doma — 840 m2, žyłaja — 228 m2. Jon pabudavany pa indyvidualnym prajekcie, z ulikam sučasnych technałohij i patrabavańniaŭ da enierhaefiektyŭnaści.
Padmurak i dach — manalitnyja, ścieny — z kieramzitabietonnych błokaŭ taŭščynioj 500 milimietraŭ. Architektura unikalnaja: roŭnyja linii, strohija formy, jakija razbaŭlajucca adcieńniami azdobnych plit — hrafitavym, karyčnievym i kremavym. Tut niama lišnich detalaŭ, usio hladzicca harmanična i hruntoŭna.
Da doma prymykaje SPA-zona z ruskaj łaźniaj, chamamam i basiejnam. Kali takija pamiaškańni budučym haspadaram nie spatrebiacca, hetyja pakoi možna zrabić žyłymi.
Vokny — panaramnyja, z trajnym braniavanym škłom, šuma— i ciepłaizalacyjnyja. Z kožnaha pamiaškańnia na pieršym paviersie jość vychad na vulicu, pryčym usie dźviery, za vyklučeńniem paradnaych, taksama całkam zašklonyja.
Da ŭčastka padviedzienyja ŭsie centralnyja kamunikacyi, uklučajučy haz. Haraž ubudavany: dziakujučy hetamu ŭ chałodnuju paru hoda aŭtamabil budzie ŭ ciaple, a haspadaram nie pryjdziecca vychodzić na maroz.
Unutry — vielizarnyja i dobra raspłanavanyja pamiaškańni. Dom zručny vysokimi stolami i šyrokimi dźviarnymi prajomami. Tut stolki prastory, što azdableńnie i napaŭnieńnie mohuć być lubymi.
U chole pieršaha paviercha — kamin vyšynioj u čałaviečy rost.
Dla hetaha doma raspracavany dyzajn-prajekt interjeru. Jon pradumany detalova: naprykład, u haścinaj — azdableńnie kamina dekaratyŭnym kamieniem u ton leśvičnych prystupak, kanapa, kresły i pufy pastelnych adcieńniaŭ, naviasnyja śviacilni ź cikavaj hieamietryjaj.
Zonu stałovaj adździalajuć šklanyja dźviery-šyrmy. Tut taksama pieravažajuć śvietłyja adcieńni, stoł na vosiem pierson dapaŭniaje Naviasnaja lustra ŭ sučasnym styli.
Kuchnia ŭ prajekcie — ź vielizarnym vostravam, kamiennymi stalnicami i ŭbudavanaj technikaj. Tut taksama praduhledžanaja abiedziennaja zona.
SPA-zona na pieršym paviersie pa prajekcie spałučaje ŭ sabie pryrodnyja materyjały i sučasnuju santechniku. Vanny, basiejn, chamam, šmat raślin, a na padłozie — šyrokafarmatnaja plitka. Z paryłki adkryvajecca vid na chvojny les. Ujavicie: vy siadzicie ŭ haračaj łaźni, a za aknom — zaśniežanyja chvoi, hurby i zavirucha.
Na druhim paviersie — try spalni i harderobnaja. Tut udała spałučajucca bežavy, załaty i hrafitavyja adcieńni.
Košt hetaha doma z učastkam — try miljony dalaraŭ. Heta samaja darahaja prapanova pa zaharadnaj nieruchomaści kala Minska.