Alaksiej Reźnikaŭ. Fota: AP Photo / Michael Probst
«Ja sapraŭdy aptymistyčny z nahody taho, što tanki «Abrams» mahčymyja ŭ budučyni, i ja ŭpeŭnieny, što źniščalniki typu F-16, F-15 abo «Hrypien» sa Šviecyi taksama buduć mahčymyja», — skazaŭ Reźnikaŭ u intervju vydańniu Politico.
Krainy NATA ŭžo niekalki miesiacaŭ abmiarkoŭvajuć, ci varta pasyłać sučasnyja bajavyja tanki, takija jak niamieckija «Leapard» abo «Abrams» z ZŠA. Aficyjnyja asoby ŭ Niamieččynie zajavili, što nie buduć pieršymi, chto adpravić ciažkuju braniatechniku z-za bojazi, što heta moža być rasceniena jak eskałacyja prezidentam Rasii Uładzimiram Pucinym. Amierykanskija čynoŭniki, miž tym, śćviardžajuć, što tanki «Abrams» źjaŭlajucca składanymi z punktu hledžańnia łahistyki mašynami, jakija budzie ciažka padtrymlivać na pole boju va Ukrainie.
Niahledziačy na ŭsie hetyja prablemy, Reźnikaŭ zachoŭvaje aptymizm i adznačaje, što mnohija z tych rečaŭ, jakija kaliści ličylisia zabaronienymi — bieśpiłotniki, rakiety i artyleryja — urešcie trapili va Ukrainu.
Nieŭzabavie paśla pryznačeńnia ministram abarony ŭ listapadzie minułaha hoda Reźnikaŭ pryjechaŭ u Vašynhton i paprasiŭ «Stynhiery», ale jamu adkazali, što heta niemahčyma, skazaŭ jon u intervju.
«Ja spytaŭsia ŭ ich, čamu. Adkaz byŭ taki: tamu što heta zabaroniena zakonam… i jość palityčnyja pytańni. Zatym u studzieni, za miesiac da ŭvarvańnia, my atrymali pieršuju pasyłku ź Litvy. Heta byli «Stynhiery», i my atrymali ich z dazvołu ZŠA. Tak što dla mianie heta prykład taho, što, kali vy čujecie, što heta niemahčyma, heta nie značyć, što heta niemahčyma ŭ budučyni».
