Publikacyi «listoŭ ščaścia» za adsutnaść techahladu (TA) stali źjaŭlacca praz 2-3 dni paśla naviny ad Mintransa ab tym, što ciapier kamiery fiksujuć najaŭnaść/adsutnaść TA. Momanty parušeńniaŭ byli zafiksavanyja za niekalki dzion da hetaha, a mienavita 8 kastryčnika 2022-ha, 13 kastryčnika 2022-ha i 19 kastryčnika 2022 hoda.
Miescy ździajśnieńnia parušeńniaŭ:
— Minskaja vobłaść, Uździenski rajon, R23, ad 32.550 km da 37.130 km (2);
— Mahiloŭskaja vobłaść, R93, ad 19.672 km da 23.254 km (1 list).
Nazvanyja aŭtamabili biez TA prajazdžali ŭčastki daroh daŭžynioj 3-5 kiłamietraŭ i fiksavalisia dvuma roznymi kamierami. Takim čynam, parušalniki akazvalisia na ŭčastkach vymiareńnia siaredniaj chutkaści. Dalej u liście pakazana, jak mienavita nazyvajecca pryłada — «sistema vyličeńnia siaredniaj chutkaści TS na peŭnych učastkach aŭtadaroh RoadEye AverSpeed».
Raniej štraf za techahlad z kamier prychodziŭ naŭzdahon za «listom ščaścia» za chutkaść — pieravyšeńnie chutkaści fiksavałasia ŭ aŭtamatyčnym režymie, a dalej pa fatahrafijach u ručnym paradku numary spraŭdžvalisia z bazaj TA. U kamientarach pad videa tak i dumali, što aŭtary pieravysili chutkaść i mienavita tamu było ŭstanoŭlena, što ich mašyny biez TA. Ale nie, atrymalniki listoŭ paćvierdzili, što jechali bieź pieravyšeńnia.
Papiaredžańni vynosiacca, kali aŭtamabil biez techahladu byŭ zaŭvažany kamieraj upieršyniu. Druhi i nastupnyja razy — štraf da 3 BV (96 rubloŭ pa stanie na dzień publikacyi).
