Napačatku rasijskija ŭłady zajavili, što ŭsie bieśpiłotniki byli źbityja. Paźniej źjavilisia paviedamleńni, što frehat «Admirał Makaraŭ» «paškodžany askołkami», a minny tralščyk atrymaŭ praboinu ŭ vyniku «ŭdarnaj chvali».
Pakul ciažka acanić realnyja nastupstvy ŭdaru, rejd Sievastopala zastajecca pierakryty. Nahadajem, što rasijskija ŭłady ad pačatku admaŭlali paškodžańnie fłahmana Čarnamorskaha fłotu — krejsiera «Maskva». Paśla vyśvietliłasia, što jon zatanuŭ.
«Admirał Makaraŭ» staŭ novym fłahmanam paśla źniščeńnia «Maskvy». Mienavita ź jaho nanosili ŭdary kryłatymi rakietami.
«Hubiernatar» Sievastopala Michaił Razvazžajeŭ zajaviŭ, što ŭsie raniej dastupnyja dla mirnych žycharoŭ tranślacyi z kamier videanazirańnia ŭ Sievastopali buduć zakrytyja.
Akramia taho, ludźmi, jakija buduć vykładvać videaśviedčańni pracy SPA, buduć zajmacca śpiecsłužby.