U dziasiatcy zapatrabavanych kirunkaŭ uvajšli, akramia Minska, rasijskija harady: Sankt-Pieciarburh, Maskva, Kazań, Nižni Noŭharad, Kisłavodsk, kurort u Krasnadarskim krai Esta-Sadok i inšyja. Zatoje źnikli sa śpisu ŭsie harady Kryma.

Pa Minsku, pavodle ŭładalnika rasijskaha servisu anłajn-braniravańnia žylla dla adpačynku Sutočno.ru Juryja Kuźniacova, nazirajecca samy vysoki pryrost popytu. U cełym u paraŭnańni ź minułym hodam popyt hetaj vosieńniu na ŭnutranyja napramki i krainy blizkaha zamiežža na navahodnija śviaty vyras u niekalki razoŭ, adznačaje jon, i źviazana heta nie tolki z pavieličeńniem popytu, ale i z sychodam z Rasii zachodnich servisaŭ. A ź Minskam da taho ž całkam adkryłasia raniej zakrytaja z-za karanavirusnych abmiežavańniaŭ miaža dla pierasiačeńnia aŭtamabilami. 

Siaredni košt pasutačnaj arendy kvater u Minsku na hetyja navahodnija śviaty składaje 214 biełaruskich rubloŭ, što na 48% vyšej, čym na minuły Novy hod.

«Da Novaha hoda pryrostu siarednich cenaŭ nie čakajecca, tamu što arendadaŭcy ŭžo vystavili aktualnyja ceny. A rannija braniravańni, jak praviła, iduć na dobryja, darahija abjekty. U cełym miescaŭ jašče vielmi šmat, ciapier pracent zabraniravanaha žylla na našym servisie składaje kala 15%,» — dadaje Juryj Kuźniacoŭ.

Клас
5
Панылы сорам
2
Ха-ха
4
Ого
0
Сумна
3
Абуральна
18