Pad Minskam možna niadoraha kupić sapraŭdnaje bambaschovišča savieckich časoŭ 4

Fota Viktara Tałočki / Sputnik

Samo bambaschovišča — zakapany na 4,5 mietra pad ziamloj žalezabietonny zvod płoščaj 85 «kvadrataŭ». Na pavierchni jość dva ŭvachody, adzin ź jakich zavaleny śmiećciem, a da druhoha treba prabiracca praz zaraśniki.

Zapasny vychad adšukać niaprosta. Fota Viktara Tałočki / Sputnik

Bunkier pabudavali vajskoŭcy ŭ 1984 hodzie. Z tych časoŭ abjekt ni razu nie ramantavaŭsia, ale stan jaho dahetul vielmi dobry.

Pamiaškańnie zamykajecca na masiŭnyja hiermadźviery. Kab adčynić ich, spatrebicca prykłaści niamała namahańniaŭ. Adrazu za dźviaryma — spusk na hłybiniu bolš za čatyry mietry, a dalej — jašče dva prajomy dla dźviarej, jakija možna pastavić u vypadku realnaj pahrozy. Taŭščynia žalezabietonnych ścienaŭ — 1 mietr, vyšynia stolaŭ — 2,7 mietra.

Fota Viktara Tałočki / Sputnik

Siudy prakładzienyja kamunikacyi dla elektryčnaści, jość ahrehaty dla vientylacyjnaj sistemy. Jany nie padłučanyja, ale ŭ pracoŭnym stanie. Taksama ŭ bambaschoviščy jość tualet sa spraŭnaj kanalizacyjaj. Adnačasova ŭ bunkiery mohuć znachodzicca kala 80 čałaviek.

Fota Viktara Tałočki / Sputnik

U 2020 hodzie abjekt pradali na dziaržaŭnym aŭkcyjonie za simvaličnuju sumu — dźvie tysiačy dalaraŭ. Pieršy ŭłaśnik akulturyŭ terytoryju płotam i płanavaŭ pabudavać tut saŭnu, stylizavanuju pad bunkier. Ale ŭ vyniku zrazumieŭ, što nie paciahnie, i vystaviŭ na prodaž. Nastupny ŭładalnik dziejničaŭ pa takoj ža schiemie — kupiŭ niadoraha, niejki čas vykarystoŭvaŭ pamiaškańnie ŭ jakaści składa budmateryjałaŭ, a potym pradaŭ krychu daražej.

Zaraz bambaschovišča vystaŭlena na prodaž za 14 tysiač dalaraŭ. Razam z budynkam pradajecca ŭčastak płoščaj 4,35 sotki, na jakim možna pabudavać što-niebudź nievialikaje: łaźniu, chleŭ, haraž.

Ahrehaty dla vientylacyjnaj sistemy nie padłučanyja, ale ŭ pracoŭnym stanie. Fota Viktara Tałočki / Sputnik

U ahienctvie nieruchomaści tłumačać, što pamiaškańnie možna vykarystoŭvać dla kvestaŭ, zachoŭvańnia bujnahabarytnych rečaŭ, zony adpačynku abo drobnaj vytvorčaści. «Pa rynkavych cenach jano sapraŭdy nie darahoje», — kanstatuje ryełtarka.

Zapatrabavanaść takich abjektaŭ, pa jaje słovach, vyrasła na fonie zajaŭ pra jadziernyja ataki. Kožny dzień telefanujuć patencyjnyja klijenty, prychodziać zajaŭki na demanstracyju bunkiera.

Praŭda, praz try miesiacy zbudavańnie tak pakul i nie pradadziena.

Pavodle źviestak MNS, u Biełarusi bolš za piać tysiač roznych zakrytych zbudavańniaŭ, jakija možna vykarystoŭvać dla schovišča ŭ vypadku ŭ tym liku i rakietnych udaraŭ. Jak praviła, hetyja pamiaškańni znachodziacca na pradpryjemstvach i ŭ padvałach šmatkvaternych damoŭ. Ale budynkaŭ takoha typu, jakija stajać asobna, zusim niašmat.

6

4

6

5

0

0

Nashaniva.com