Fota: Pixabay.com
Jak paviedamiła ahienctva Rejter, u čaćvier parłamient Bałharyi 175 hałasami «za» pry 49 «suprać» pryniaŭ płan dziejańniaŭ, zhodna ź jakim urad pavinien pačać pieramovy z sajuźnikami pa NATA ab schiemie, pa jakoj Ukrainie ŭžo pieradali zbroju niekatoryja krainy: jany addajuć ukraincam staroje savieckaje ŭzbrajeńnie, a naŭzamien atrymlivajuć ad zachodnich sajuźnikaŭ novaje.
Ciapier u ES zastałasia adna kraina, jakaja pryncypova admaŭlajecca daryć ŭkraincam zbroju — Vienhryja.
U Bałharyi hetaje pytańnie razhladałasia ŭ mai, i tady vajennuju dapamohu Ukrainie zabłakavała pryjaznaja da Rasii Sacyjalistyčnaja partyja. Ale z tych časoŭ ŭrad u Bałharyi źmianiŭsia.
Jakija mienavita vidy zbroi bałhary u vyniku addaduć, zaraz niezrazumieła.
«Ciažkaje ŭzbrajeńnie, takoje jak z-300, z-125 i inšyja sistemy SPA, a taksama Su-25 i MiH-29, my ŭ hety momant addać nie možam. Spačatku treba znajści zamienu», — skazaŭ ministr abarony Bałharyi Dzimitar Stajanaŭ.
Toje, što Bałharyja viasnoj admoviłasia naŭprost dapamahać Ukrainie, nie značyć, što zbroja adtul va Ukrainu nie idzie. Jak adznačaje ahienctva Rejter, z momantu rasijskaha ŭvarvańnia zbrojny ekspart z Bałharyi vyras u dva razy. U žniŭni, naprykład, Ministerstva ekanomiki zaćvierdziła ekspart zbroi amal na paŭmiljarda dalaraŭ, i punktam pryznačeńnia bolšaści pastavak była Polšča.
