Spravu ŭ zakrytym režymie razhladaje sudździa Jaŭhien Burunoŭ.
Pieršapačatkova paviedamlałasia, što palitźniavoleny Siarhiej Hrybovič, žychar Dokšycaŭ, byŭ zatrymany na pačatku sakavika 2022 hoda pavodle dvuch artykułach Kryminalnaha kodeksa: art. 130 (Raspalvańnie rasavaj, nacyjanalnaj, relihijnaj abo inšaj sacyjalnaj varožaści) i art. 361-3 KK (Udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭka abo padrychtoŭka asob da takoha ŭdziełu).
U «pakajalnym videa» mužčyna kazaŭ, što zapoŭniŭ ankietu ŭ telehramie, kab pajechać vajavać va Ukrainu suprać rasijskich vojskaŭ.
U sudzie Hryboviču vystavili dadatkovyja abvinavačańni:
- art. 369 — abraza pradstaŭnika ŭłady;
- č. 1 art. 130 — raspalvańnie rasavaj, nacyjanalnaj, relihijnaj albo inšaj sacyjalnaj varožaści;
- č. 1 art. 367 — paklop u dačynieńni da Prezidenta Respubliki Biełaruś;
- č. 1 art. 368 — abraza prezidenta Respubliki Biełaruś;
- č. 1 art. 361-3 — stvareńnie ekstremisckaha farmiravańnia albo ŭdzieł u im;
- č. 2 art. 368 — abraza prezidenta Respubliki Biełaruś;
- č. 2 art. 367 — paklop u dačynieńni da prezidenta Respubliki Biełaruś.
Da suda mužčynu ŭtrymlivali ŭ SIZA №2 Viciebska.
Padtrymajcie palitviaźnia paštoŭkaj albo listom: SIZA-2, Viciebsk vuł. Haharyna 2, 210026, Siarhiej Michajłavič Hrybovič.