Maybach
Samy darahi aŭtamabil, jaki tolki jość u prodažy ŭ Biełarusi, — Mercedes-Benz Maybach Z223. Aŭtamabil novy, biez prabiehu. Cana pradstaŭničaha siedana — 507 991$.
Fota: skrynšot z sajta av.by
Pradaje šykoŭny aŭtamabil koštam bolš za paŭmiljona dalaraŭ multybrendavy sałon, jaki śpiecyjalizujecca na prodažy aŭto premijalnych brendaŭ.
Lamborghini Urus
Druhi pa darahoŭli aŭtamabil u Biełarusi, Lamborghini Urus, pradaje pryvatnaja asoba. Za parkietnik 2019 hoda z prabieham 19 900 km ułaśnik prosić 410 000$.
Fota: skrynšot z sajta av.by
Pradaviec adznačaje, što trochletni Lamborghini znachodzicca ŭ stanie novaha aŭtamabila. Z apisańnia vynikaje, što daražezny parkietnik pryviezieny da nas ź Jeŭropy. Aŭtar abjavy paznačaje, što aŭtamabil całkam razmytnieny i staić na ŭliku ŭ Biełarusi. Pasrednikaŭ, pierakupaŭ i aŭtasałony prosiać nie turbavać.
Amal novy Range Rover
TOP-3 samych darahich aŭto zamykaje «amal novy» Land Rover Range Rover V. Choć aŭtamabil i 2022 hoda vypusku, jon nie novy. Usiedarožnik maje prabieh 2 642 km. Kaštuje taki aŭtamabil 380 933$, u canie zakładzieny 20% PDV. Aproč infarmacyi pra PDV, u apisańni paznačana, što aŭtamabil — u stanie «novaha».
Fota: skrynšot z sajta av.by
«Amal novy» Land Rover vykanany ŭ kolery matavaha zołata. Kamplektacyja ŭsiedarožnika nazyvajecca FIRST EDITION.
Mercedes-Benz Gelendwagen
Usiaho na tysiaču dalaraŭ tańniej pradajuć całkam novy «Hielik». Ciapier Mercedes-Benz G 63 AMG acenieny ŭ 379 956$.
Fota: skrynšot z sajta av.by
Pradaviec adznačaje, što aŭtamabil znachodzicca ŭ Minsku i razmytnieny na RF. Chutčej za ŭsio, infarmacyja pra toje, što mašyna razmytniena na RF, źjaŭlajecca nie bolš čym prymankaj dla rasijskich pakupnikoŭ, bo nijakaj asablivaj razmytnioŭki na RF nie isnuje. Biełaruś i Rasija prosta znachodziacca ŭ adnoj mytnaj prastory.
Fota: skrynšot z sajta av.by
Lamborghini z ZŠA
Roŭna za 360 tysiač dalaraŭ u Minsku pradajuć jašče adzin Lamborghini Urus 2018 hoda vypusku, jaki da taho, jak patrapić u Biełaruś, paśpieŭ pajeździć u Štatach. Prabieh aŭtamabila na dadzieny momant składaje 4 750 km. Z času prodažu hetaha aŭto ŭ ZŠA letam minułaha hoda, Lambo prajechała mienš za 500 km.
Fota: skrynšot z sajta av.by
«Aŭtamabil u idealnym techničnym stanie, kuzaŭ całkam abklejeny prazrystaj achoŭnaj plonkaj, samaja poŭnaja kamplektacyja», — paznačana ŭ apisańni.
Maybach z prabieham
U Mahilovie na prodaž vystaŭleny jašče adzin Maybach 2022 hoda vypusku, ale, u adroźnieńnie ad samaha darahoha vystaŭlenaha na prodaž aŭto ŭ Biełarusi, hety Mercedes-Benz Maybach nie novy, a z prabieham 10 000 km. Za luksavy ŭsiedarožnik ź minimalnym prabieham prosiać 320 000$.
Fota: skrynšot z sajta av.by
Čyrvonaja Ferrari
Za 300 000$ u Minsku pradajuć Ferrari 488GTB. Aŭtamabil 2019 hoda vypusku, zajaŭleny prabieh — 30 000 km, tracinu ź jakich aŭtamabil prajechaŭ pa Biełarusi. Ferrari zamykaje śpis aŭto koštam ad 300 000$. Da Biełarusi aŭtamabil ekpłuatavaŭsia ŭ Štatach.
fota: skrynšot z sajta av.by
Razhon da sotni supierkar pieraadolvaje za 2,9 siekundy, a maksimalnaja chutkaść — 340 km/h. «Razmytnieny, absłužany, prabieh u Biełarusi 10 000 km», — havorycca ŭ apisańni. Ferrari zamykaje śpis aŭto koštam ad 300 000$.
Čytajcie taksama:
Jak padatkaviki vyjaŭlajuć tych, chto žyvie nie pa srodkach? Raskazvaje supracoŭnik inśpiekcyi
«Ceny źnizilisia, ale novych pastavak niama i nie čakajecca». Što adbyvajecca na rynku novych aŭto?
