Sudovy praces pačaŭsia 2 listapada, sudździa — Aleh Charoška.
Pakul viadoma, što abvinavačany Trapačoŭ pracavaŭ pamočnikam mašynista ŭ łakamatyŭnym depo ŭ Homieli, jamu — 41 hod.
Byŭ pryznany vinavatym u kiraŭnictvie ekstremisckim farmiravańniem, i na padstavie č. 1 art. 361-1 KK jon byŭ asudžany da pazbaŭleńnia voli terminam try hady.
Jon ža pryznany vinavatym u arhanizacyi hrupavych dziejańniaŭ, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, pry adsutnaści prykmiet bolš ciažkaha złačynstva, i na padstavie č. 1 art. 342 KK asudžany da pakarańnia ŭ vyhladzie pazbaŭleńnia voli terminam dva hady.
Jon ža pryznany vinavatym u naŭmysnych dziejańniach, nakiravanych na ŭzbudžeńnie inšaj sacyjalnaj varožaści i varažniečy pa prykmiecie inšaj sacyjalnaj prynaležnaści, i na padstavie č. 1 art. 130 KK asudžany da pakarańnia ŭ vyhladzie pazbaŭleńnia voli terminam try hady.
Jon ža pryznany vinavatym u paklopie na prezidenta Respubliki Biełaruś, raźmieščanym u hłabalnaj kampjutarnaj sietcy internet, jaki abjadnoŭvajecca z abvinavačvańniem u ździajśnieńni ciažkaha i asabliva ciažkaha złačynstvaŭ, i na padstavie č. 2 art. 367 KK mužčyna pakarany pazbaŭleńniem voli terminam dva hady.
Sud pastanaviŭ šlacham častkovaha abjadnańnia abvinavačańniaŭ, kančatkova pryznačyć pakarańnie ŭ vyhladzie pazbaŭleńnia voli na termin čatyry hady z adbyvańniem u papraŭčaj kałonii va ŭmovach ŭzmocnienaha režymu.