«Ustanoŭlena, što fihuranty, troje ź jakich niepaŭnaletnija, pačynajučy z 2020 hoda administravali čatyry TikTok akaŭnty i dva telehram-kanały. Na nazvanych resursach publikavałasia infarmacyja, nakiravanaja na arhanizacyju i padrychtoŭku masavych biesparadkaŭ, supraciŭleńnie supracoŭnikam pravaachoŭnych orhanaŭ z metaj zamachaŭ na niezaležnaść, terytaryjalnuju cełasnaść, asnovy kanstytucyjnaha ładu Respubliki Biełaruś. Zatrymanyja abjadnalisia ŭ telehram-hrupie, jakaja ŭ pačatku listapada pryznanaja ekstremisckim farmiravańniem. Jany pavinny byli znachodzić vykanaŭcaŭ dla źniščeńnia abjektaŭ infrastruktury i arhanizacyi napadaŭ na pravaachoŭnikaŭ», — havorycca ŭ paviedamleńni MUS.
U milicyi adznačyli, što 17-hadovy žychar Kaściukovičaŭ raniej byŭ sudzimy za apahańvańnie zbudavańniaŭ i psavańnie majomaści. Starejšy z zatrymanych, 26-hadovy «nacyjanalist sa Smarhoni», maje sudzimaści za kradziež i ŭhon. A 18-hadovy žychar Buda-Kašalova źbiraŭsia adpravicca va Ukrainu dla ŭdziełu ŭ bajavych dziejańniach.
