Były prezident ZŠA Donald Tramp zajaviŭ, što budzie ŭdzielničać u vybarach amierykanskaha lidara ŭ 2024 hodzie, pieradaje CNN.

«Kab znoŭ zrabić Amieryku vialikaj, ja siońnia viečaram vyłučaju svaju kandydaturu na pasadu prezidenta Złučanych Štataŭ», — skazaŭ Tramp, vystupajučy u svajoj rezidencyi Mar-a-Łaha ŭ Fłarydzie pierad svaimi prychilnikami.

Akramia taho, pradstaŭniki Trampa padali dakumienty dla ŭdziełu ŭ vybarach u Fiederalnuju vybarčuju kamisiju.

U toj ža čas niekatoryja sajuźniki palityka zaklikali jaho adkłaści abviaščeńnie ab vyłučeńni na pasadu prezidenta z-za vynikaŭ pramiežkavych vybaraŭ u Kanhres da 6 śniežnia. U hety dzień adbudziecca druhi tur vybaraŭ u sienat u Džordžyi: padtrymany Trampam kandydat Hieršel Uokier sastupiŭ demakratu Rafaelu Uornaku, adnak nivodzin ź ich nie nabraŭ 50%.

Tramp byŭ prezidentam ZŠA z 2017 pa 2021 hod. U listapadzie 2020-ha jon prajhraŭ vybary Džo Bajdenu. Tramp nie pryznaŭ parazu i sprabavaŭ asprečyć vyniki vybaraŭ u sudovym paradku. Adnak Viarchoŭny sud ZŠA adchiliŭ pazoŭ byłoha prezidenta ab pierahladzie vynikaŭ hałasavańnia. Trampu 76 hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?