Fota: «Sputnik»

Fota: «Sputnik»

Rašeńniem Łukašenki ceny ŭ krainie byli zamarožanyja pa stanie na 6 kastryčnika. Naŭzdahon pryniali jašče niekalki pastanoŭ, jakija pavinny rastłumačyć biznesu novuju cenavuju palityku, potym paśledavali tłumačeńni ad MARHa i zapeŭnivańni, što administracyjnym resursam na rynak uździejničać možna, a ŭ ciapierašniaj situacyi — navat treba.

Kali ŭ vypadku z praduktami nieabchodny minimum siak-tak vytrymlivajecca (a ŭ bujnych hipiermarkietach asartymient pa-raniejšamu niadrenny), to voś z bytavoj chimijaj i kaśmietykaj stanovicca sapraŭdy ciažkavata: chatnija zapasy zakančvajucca, a papoŭnić ich niama čym.

Sputnik prahulaŭsia pa kramach bujnych sietak, jakija śpiecyjalizujucca na bytavoj chimii, i pahladzieŭ, što ciapier z asartymientam.

Pieršaje, što kidajecca ŭ vočy ŭ kramach bytavoj chimii — sproba zapoŭnić pustyja palicy. Kansultanty znarok rasstaŭlajuć słoički bolš svabodna, a za pieršym-druhim — pustata.

U adnym «spalniku» vybar paraškoŭ i myjnych srodkaŭ jašče jość, praŭda, kali pryhledziecca, u najaŭnaści ich taksama nie vielmi šmat — stajać tolki ŭ dva šerahi.

Samy biedny asartymient — siarod srodkaŭ dla vałasoŭ. Mnohich marak impartnych šampuniaŭ niama naohuł, źnikli balzamy i maski dla vałasoŭ, a toje, što zastałosia — litaralna ŭ adzinkavych ekzemplarach.

Stajlinh — jašče adna katehoryja tavaraŭ, jakaja źnikła zusim. Pienki dla ŭkładki vałasoŭ, musy, pasty, hieli i łaki — asobnyja marki źnikli całkam. Staić trochi reštkaŭ inšych firmaŭ, ale ŭ cełym na palicach pustata.

«Ź lutaha maje lubimyja łaki dla vałasoŭ vyraśli ŭ canie roŭna ŭ dva razy. Nam abiacali źnizić ceny, kali dalar ŭpadzie, ale dzie? Raniej, vyłoŭlivajučy akcyi (a ŭ hetaj kramie danaja marka raz u 2-3 miesiacy traplała na 50%-nuju źnižku), ja mahła kupić dźvie pienki dla vałasoŭ pa canie adnoj — za 7 z kapiejkami rubloŭ. Apošnim časam na akcyju jany ŭžo nie traplali i kaštavali pa 12-14 rubloŭ. A ciapier ich naohuł nie znajści nidzie», — skardzicca dziaŭčyna, sprabujučy znajści patrebny tavar.

U inšaj kramie hetaj ža sietki, ale ŭ centry horada, asartymient taki ž: palicy z šampuniami i balzamami dla vałasoŭ pustyja, vybar srodkaŭ dla ŭkładki praktyčna adsutničaje (dy i taho, što jość, zastałosia ŭsiaho paru słoičkaŭ). Źnikli z prodažu praktyčna ŭsie marki mužčynskich i žanočych dezadarantaŭ. Amal całkam pustujuć palicy z dekaratyŭnaj kaśmietykaj (choć asobnyja impartnyja pradukty zachavalisia ŭ poŭnym asartymiencie). Źbiadnieŭ vybar farbaŭ dla vałasoŭ, zubnych past.

Jość składanaści ź dziciačaj kaśmietykaj: zastałosia trochi impartnych dziciačych šampuniaŭ, srodkaŭ dla kupańnia, kremaŭ, kudy mienš — rasijskich tavaraŭ.

«Nie mahu znajści svaju pudru. A jašče ŭsio stała adčuvalna daražejšym. Jašče zimoj brała 4 kh paraška na akcyi (jany kožny miesiac byli) za rubloŭ 15. Zaraz heta ž marka kaštuje 28 rubloŭ. Vielmi mocna padaraželi prakładki: 10 rubloŭ za ŭpakoŭku z 8 štuk, pahadziciesia, doraha, a takich upakovak patrebna nie adna, vy ž razumiejecie. Raniej na akcyi ich kuplała z 50-pracentnaj źnižkaj, amal 3 rubli kaštavali», — skardzicca pakupnica.

Napałovu pusty

U sietcy-kankurencie tyja ž prablemy z anałahičnymi pazicyjami: šampuni stajać u adzin rad, mnohija marki źnikli. Što cikava, niekatoraje apuścieńnie jość i na palicach ź biełaruskaj kaśmietykaj dla vałasoŭ: asobnych šampuniaŭ i balzamaŭ zastałosia ŭsiaho paru słoičkaŭ.

U susiedniaj kramie hetaj ža sietki trochi paradzieli šerahi z paraškami, hielami-kancentratami, kapsułami dla myćcia i kandycyjanierami, ale prykupić jašče jość što. Niama stajlinhu, farbaŭ dla vałasoŭ, amal nie zastałosia srodkaŭ žanočaj hihijeny i dekaratyŭnaj kaśmietyki.

Časova ci nastolki źniziŭsia vybar? Ni ŭ kramach, ni ŭ koł-centrach handlovych sietak adkazać nie mohuć.

«Niešta davoziać kožny dzień, ale vialikaj kolkaści pakul niama. Nie viedajem, ci budzie, ci niama i z čym heta źviazana, ale vy sami ŭsio razumiejecie», — kaža pradaviec adnaho z mahazinaŭ bytavoj chimii ŭ centry Minska, raskładvajučy «dekaratyŭku».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?