Heta Huby. U śpisie ajkonimaŭ Vilejskaha rajona «huba» ŭ starabiełaruskaj movie heta — akruha, Huby treba pramaŭlać z naciskam na apošni skład, papraŭlajuć historyki.
Nie źniknuć z kart vioscy dapamahajuć dačniki. Voś jana — apošniaja nadzieja byłoj dziaržavy ŭ Ašmianskim paviecie.
Niezvyčajny dom № 31 na adzinaj u vioscy vulicy zastyŭ na pavarocie niedaloka ad hustoha lesu. Spačatku žurnalistaŭ sustreŭ płastykavy piersanaž z prośbaj nie śmiecić. A dalej — sucelnaje dobraŭparadkavańnie. Haspadaroŭ doma nie zaśpieli. Miascovyja raskazali, što žyvuć tut minčanie — miedyki «ŭ adstaŭcy».
Za płotam milhajuć siłuety ŭ čałaviečy rost. Vandroŭniki patrapili siudy ŭ pryciemkach, i pryznajuć, što, sapraŭdy, na fonie biaźludnaj vioski mižvoli adčuvajecca špacyr pa miascovaści ŭ žanry fołk-chorar.
Zrešty, lepš ubačyć.
Žychary susiednich viosak, da jakich niedaloka, raskazali, što ŭ Hubach ciače cudatvornaja krynica, jakaja vylečvaje ad chvarob vočy. A jašče ŭ vioscy naradziŭsia biełaruski piśmieńnik Kaśjan Viasioły, jon ža — Vikiencij Aŭdziej.
Cikava, što ŭ 1800 hodzie Huby byli centram starastva z panskim draŭlanym domam i piaćciu žycharami. U 2003 hodzie tut naličvałasia 17 damoŭ i 25 žycharoŭ. A pavodle aficyjnych źviestak Kryvasielskaha sielsavieta, siońnia ŭ vioscy zarehistravany ŭsiaho adzin žychar.
padabajecca
padajecca, što navat bolš kreatyŭna i atmaśfierna, čym japonski anałah - bigpicture.ru/mertvye-dushi-xudozhnica-naselila-opustevshuyu-derevnyu-kuklami/