Fota: BBC Food

Fota: BBC Food

Kab zhatavać rysavy piroh z apielsinam, vam spatrebicca:

  • 1,7 litra małaka
  • 1 struk vanili (možna zamianić na 15 hramaŭ vanilnaha cukru ci na 1—2 hramy vanilinu)
  • cedra pałovy limona, parezanaja na bujnyja kavałki
  • 200 hramaŭ cukru
  • 300 hramaŭ rysu, najlepš pasuje sort arborya
  • 5 vialikich jajek
  • 50 mililitraŭ apielsinavaha likioru (možna zamianić na apielsinavy sok)
  • 40 hramaŭ razynak
  • naciortaja cedra adnaho apielsina + jašče trochi cedry dla padačy
  1. Razahrejcie duchoŭku da 180 hradusaŭ. Padrychtujcie formu dla piraha sa zdymnym dnom dyjamietram prykładna 24 santymietry, vyšmarujcie jaje masłam i zaścialicie papieraj dla vypiakańnia.
  2. Zalicie małako ŭ vialikuju kastrulu, dadajcie vanil, cedru limona i cukar, daviadzicie da kipieńnia. Pakładzicie ŭ kastrulu rys i varycie jaho na słabym ci siarednim ahni kala 20—25 chvilin, pakul rys nie stanie amal hatovy i nie ŭbiare ŭ siabie małako (ale jon usio jašče pavinien zachoŭvać kansistencyju kremu). Zdymicie rys ź plity i dajcie astyć. Prybiarycie z kastruli cedru i, kali vykarystoŭvali, struk vanili.
  3. Uźbicie ŭ miscy žaŭtki z apielsinavym likioram. U inšaj miscy ŭźbicie białki da ćviordych pikaŭ.
  4. Da astudžanaha rysu dadajcie žaŭtkovuju sumieś, potym umiašajcie ŭźbityja białki, paśla ich — razynki i apielsinavuju cedru. Vylicie ŭ padrychtavanuju formu i zapiakajcie ŭ duchoŭcy 1 hadzinu. Padavajcie ciopłym abo chałodnym, pierad padačaj pasypcie nievialikaj kolkaściu apielsinavaj cedry.

Recept na vychadnyja. Sup-piure z batatu — lohkaja ŭ hatavańni ekzotyka

Chočacie zachoŭvać jabłyki doma? Voś jak heta rabić, kab jany nie zhnili

Recept na vychadnyja. Markoŭny chleb — smačnaja i prostaja vypiečka

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?