Dzianis Duk. Skryn ź videa

Dzianis Duk. Skryn ź videa

Na kanale «Biełaruś 4 Mahiloŭ» vyjšła prahrama «U poŭny hołas», dzie vystupiŭ rektar Mahiloŭskaha ŭniviersiteta. Dzianis Duk, akramia taho, staršynia rehijanalnaha adździaleńnia tavarystva «Viedy» — taho samaha, jakoje ŭznačalvaje prapahandyst Vadzim Hihin. Duka dałučyli da abmierkavańnia temy pazbaŭleńnia biełaruskaha hramadzianstva praciŭnikaŭ režymu Łukašenki.

Navukoviec pačaŭ z historyi pytańnia — «biehłyja» byli zaŭsiody.

— Biełaruś zaŭsiody znachodziłasia na zonie hieapalityčnaha razłomu, — Duk skazaŭ «na zonie», a nie «ŭ zonie». — I takoje paniaćcie, jak biehłyja, u siońniašniaj terminałohii isnavała daŭno. U 1918 hodzie, u hady revalucyi, častka dziejačaŭ apazicyi, jakaja ŭznačalvaje BNR, jany emihravali na Zachad. Pahladzim raniej. Rasijskaja Impieryja. Niezadavolenaja šlachta, kali voś Biełaruś ustupała ŭ Rasijskuju Impieryju, taksama, značyć, hladzieła na zachad, — Duk užyŭ redkuju farmuloŭku «Biełaruś ustupała ŭ Rasijskuju Impieryju», sumnieŭnuju z navukovaha punktu hledžańnia.

I pierajšoŭ da supraćpastaŭleńnia byłych «biehłych» i ciapierašnich.

— Ale, razumiejecie, u čym pryncypovaja roźnica? Navat u strašnym śnie nielha było ŭjavić, i nichto ź ich na siabie takuju misiju nie braŭ, kab adtul rabić rečy, jakija naškodziać svajoj krainie. Naadvarot, hetaja mihracyja ŭsialak spryjała … Jana pavažała svaju radzimu. Uspomnicie Kleafasa Ahinskaha, jaho znakamitaje «Raźvitańnie z Radzimaj». A siońniašniaja apazicyja? Jany ž zaklikajuć zrabić usio, kab było drenna… «U baraćbie ź nienavisnym režymam», jak jany kažuć, — pierajšoŭ tut Duk na biełaruskuju, jak heta robić Łukašenka, kali choča skazać niešta niehatyŭnaje, — jany robiać usio, kab było horš prostamu narodu.

— Ni ab jakoj pavazie da radzimy i havorki nie idzie, — ustaviła viadučaja.

— Tut, mała taho, što niama pavahi da radzimy. Tut jašče jość pramyja zakliki, toje, pra što kazaŭ ministr unutranych spraŭ, pramyja zakliki ździajśniać dziejańni, jakija prama nazyvajucca ŭ mižnarodnym pravie «teraryzmam», — skazaŭ vučony.

Varta adznačyć, što ŭ Biełarusi ŭ śpis terarystaŭ dadajuć ludziej, jakija nie ździejśnili nijakaha terarystyčnaha akta zhodna z terminałohijaj jakraz mižnarodnaha prava. Siarod ich, prykładam, žurnalist i, darečy, historyk Andrej Pačobut abo Maryja Kaleśnikava i Maksim Znak — kiraŭniki štaboŭ kandydataŭ u prezidenty. Abo Śviatłana Cichanoŭskaja, jakaja, miarkujučy pa źviestkach niezaležnych naziralnikaŭ, pieramahała na vybarach 2020 hoda.

— Pryčym sami pry hetym znachodziačysia ŭ adnosna kamfortnych ciapličnych umovach, — praciahnuŭ Duk svaju dumku. — Bo jany ž nie z terytoryi Biełarusi… Jany z terytoryi tych krain, jakija im dajuć poŭnuju harantyju biaśpieki, — rektar robić vyhlad, što nie viedaje, dzie siadziać Kaleśnikava, Pačobut dy sotni inšych takich «terarystaŭ» i chto vyviez Cichanoŭskuju za miažu.

— Pry hetym ich tam, umoŭna kažučy, utrymlivajuć, a heta źjaŭlajecca… Hetyja krainy źjaŭlajucca płacdarmam dla taho, kab jany, abjazdžajučy tyja krainy, jakija spačuvajuć im, prasili jašče dadatkovych prefierencyj na svaju dziejnaść, a faktyčna hrošy na voś hetuju padtrymku hetych terarystyčnych arhanizacyj. Ale ž takoha, razumiejecie, takoha źviarynaha vyskału, inšaha słova i nie padbiareš, nie było nikoli, — padabraŭ arhumient rektar.

Čytajcie taksama:

Nie tolki janota. Navošta rasijanie skrali pareštki Paciomkina z Chiersona

«Vam treba bolš takich ludziej, jak Łatuška, bolš siłavikoŭ, ludziej z KDB»

Litoŭski historyk: Sproba ścierci ź vilenskaj historyi Ruś abo ruskaść jak kulturu — vielmi niedalnabačnaja i blizarukaja

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?