Skryn: kadr ź filma «Ukrainskija šeryfy»

Skryn: kadr ź filma «Ukrainskija šeryfy»

1084 kiłamietry — heta praciahłaść ahulnaj miažy pamiž Biełaruśsiu i Ukrainaj. Fiestyval prapanuje zadumacca pra budučyniu stasunkaŭ pamiž dźviuma nacyjami i biesstaronna abmierkavać ich sučasnaje stanovišča dy adnosiny prostych ludziej adno da adnaho. Arhanizatary abiacajuć nie pakinuć biez uvahi i padtrymku biełarusami ŭkrainskaha naroda, jaki zmahajecca z akupantami, a taksama padtrymku biełarusaŭ ukraincami ŭ baraćbie z dyktaturaj i teroram.

Arhanizatary prapanujuć biełarusam pahladzieć anłajn filmy pra kulturu i historyju Ukrainy, pra ŭkrainskija harady i ich žycharoŭ, jakija pieražyli rasijskuju akupacyju. 

Fota: fest1084.org

Fota: fest1084.org

Hladzieć filmy ŭ Biełarusi biaspłatna možna budzie pa promakodzie. U luby zručny čas z 9 pa 18 śniežnia vybierycie ŭ śpisie cikavy vam film i naciśnicie «hladzieć». Vas pieranakiruje na płatformu ŭkrainskaha anłajn-kinateatra Takflix, dzie treba budzie zarehistravacca. Paśla ŭvachodu ŭviadzicie promakod fest1084, kab mieć mahčymaść hladzieć kino biaspłatna.

Kali vy chočacie pahladzieć filmy nie ź Biełarusi, vam treba budzie zrabić usie tyja ž manipulacyi, ale promakod na hety raz budzie inšy. U adpaviednym poli ŭviadzicie TAKfest1084 — heta daść vam źnižku 50 % na kvitok. Bolšaja častka stužak budzie kaštavać kala $1,3. Pałova hrošaŭ ad prodažu biletaŭ na Takflix idzie režysioram, častka ź jakich ciapier abaraniaje svaju krainu. Nabyty kvitok dziejničaje 7 dzion.

Arhanizatar fiestyvalu — pravaabarončaja hramadskaja arhanizacyja «Źviano/Łanka». Filmy buduć demanstravacca na ŭkrainskaj ci ruskaj movach, i ŭ zaležnaści ad movy filma buduć dastupnyja ŭkrainskija ci anhlijskija subtytry.

Što pahladzieć. «Anhličanka» (The English) — najlepšy viestern za doŭhi čas

Biełarusy źnialisia ŭ topavym sieryjale ad Netflix. Adzin ź ich — u roli Jelcyna

Samy niedaacenieny sieryjał hoda. Čamu varta pahladzieć «Raździaleńnie», kali vy jaho prapuścili

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?