Małočny adździeł u kramie «Ałmi» na praśpiekcie Dziaržynskaha, 91

Małočny adździeł u kramie «Ałmi» na praśpiekcie Dziaržynskaha, 91

Spačatku karespandent Blizko.by pravieryŭ asartymient małočnych adździełaŭ u praduktovych kramach, a taksama patelefanavaŭ na haračuju liniju handlovych sietak i vytvorcam małočnych kansiervaŭ.

Pieršym na čarzie byŭ «Jeŭraopt» na praśpiekcie Dziaržynskaha, 104b.

Na palicach adździeła z małočnaj pradukcyjaj staić zhuščanaje małako z kakavaj i sucelnaje abiastłuščanaje. Ale samastojna znajści varanuju zhuščonku nie ŭdałosia, tamu daviałosia źviarnucca pa dapamohu da supracoŭnicy kramy.

«Varanaj zhuščonki ŭ nas daŭno niama, — tłumačyć pradaviec. — I navat nie viedaju, kali źjavicca».

Małočny adździeł u kramie «Jeŭraopt» na Dziaržynskaha, 104B

Małočny adździeł u kramie «Jeŭraopt» na Dziaržynskaha, 104B

Z hetym ža pytańniem patelefanavali na haračuju liniju handlovaj sietki, dzie apieratar Anastasija patłumačyła, što prablema zaklučajecca ŭ pastaŭkach:

«Jany da nas nie pryjazdžajuć. Mahčyma, sam vytvorca nie vykonvaje zamovu».

Małočny adździeł u kramie «Jeŭraopt» na Dziaržynskaha, 104B

Małočny adździeł u kramie «Jeŭraopt» na Dziaržynskaha, 104B

U kramie «Vitalur» na Hareckaha, 32 taksama adsutničaje varanaja zhuščonka. Supracoŭnica siektara kłopatu ab klijentach, kudy Blizko.by patelefanavaŭ z metaj atrymańnia infarmacyi, raspaviała, što adsutnaść hetaha praduktu źviazanaja ź ciažkaściami ŭ supracoŭnictvie z vytvorcami.

«Naš adździeł zbytu prykładaje ŭsie namahańni, kab papoŭnić asartymient kram, — raspaviała Hanna. — Spadziajomsia, što ŭ najbližejšy čas usio naładzicca».

U «Ałmi» na Dziaržynskaha, 91 i ŭ «Hipa» na Hareckaha, 2 taksama varanuju zhuščonku znajści nie zmahli.

Małočny adździeł «Ałmi» na praśpiekcie Dziaržynskaha, 91

Małočny adździeł «Ałmi» na praśpiekcie Dziaržynskaha, 91

Pa dadatkovuju infarmacyju žurnalisty źviarnulisia da vytvorcaŭ.

Vadzim Pažarycki, načalnik adździeła markietynhu «Rahačoŭskaha małočnakansiervavaha kambinata», nazvaŭ niekalki pryčyn uźnikłaha deficytu ŭ niekatorych praduktovych kramach Minska:

«Pa-pieršaje, nie ŭsie sietki ŭ nas zakazvajuć varanuju zhuščonku. Pa-druhoje, mahutnaści našaha abstalavańnia mohuć vyrablać u dzień tolki 20 ton hetaha praduktu, a popyt štohod pavialičvajecca».

A pa-treciaje, pa słovach načalnika adździeła markietynhu, u adnoj z handlovych sietak, pieraličanych vyšej, majucca prablemy z apłataj.

Načalnica adździeła zbytu «Hłybockaha małočnakansiervavaha kambinata» Luboŭ Čarapkoŭskaja pieraličyła padobnyja pryčyny:

«My pastaŭlajem va ŭsie sietki, jakija ŭ nas jaje zakazvajuć, — padkreśliła jana. — Akramia tych, chto maje składanaści z apłataj».

Čytajcie taksama:

«Tak prastorna ŭ vas stała — a kudy ŭsie tavary dzielisia?» Što ciapier z asartymientam u nievialikich kramach

«Hetaha kormu niama i bolš nie budzie». Što adbyvajecca ŭ zoamahazinach

Dzie vyhadniej kuplać pradukty — na rynku, u hipiermarkiecie ci ŭ kramie kala doma?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?