«Hulajučy pa Kobrynie, maja siastra Iryna ŭbačyła, jak kotka ŭlezła ŭ hniazdo z ptušaniatami. Nie doŭha dumajučy, jana vyrašyła vyratavać apošniuju achviaru vusataha drapiežnika. Doma maleńkaha, całkam łysaha vierabja vychadzili, nakarmili i pakinuli ŭ siabie. Vyratavanuju ptušku my nazvali Žoryk. Jon pryvyk da ludziej i staŭ paŭnavartasnym členam siamji. Vierabiej pastajanna hulaŭ ź siastroj pa vulicy, minaki dzivilisia, jak jon siadaŭ da jaje na plačo, ruki, u kapiušon. Jana jamu jak mama była», — raspaviadaje Alena.

8 śniežnia vierabiej z haspadyniaj hulali ŭ rajonie aŭtavakzała. Jak zvyčajna, Žoryk byŭ pobač. Jon adlataje, ale varta pastukać pa plačy — viartaŭsia nazad. U niejki momant ptuška pierabłytała svaju vyratavalnicu ź inšaj dziaŭčynaj i sieła na čužy kapiušon. Taja spałochałasia i zmachnuła vierabja. U vyniku Žoryka šukali da nastupleńnia nočy, ale pošuki nie zaviaršylisia pośpiecham. Siamja prosić haradžan dapamahčy ŭ pošukach ptušynaha siabra.

Kali vy zaŭvažyli vierabja, jaki nie baicca ludziej i idzie na ruki, telefanujcie: +375(29) 707-50-86 (Alena).

Клас
7
Панылы сорам
0
Ха-ха
0
Ого
3
Сумна
31
Абуральна
1