Mužčyna na adnym z papularnych internet-resursaŭ ubačyŭ abjavu ab prodažy sieryi knih pra Hary Potera koštam 100 rubloŭ. Bieraściejec napisaŭ pradaŭcu i damoviŭsia pra kuplu, paviedamlaje Dziaržaŭny kamitet sudovych ekśpiertyz.

Praź niekalki dzion jon pryjšoŭ u adździaleńnie pošty, apłaciŭ pasyłku i zabraŭ jaje.

Kali žychar abłasnoha centra adkryŭ pasyłku, jaho čakaŭ niepryjemny siurpryz: zajaŭlenych knih nie było, zamiest ich lažali staryja vydańni.

Tak, u zamovie byŭ patrymany «Słoŭnik ruskaj movy» Ožahava, a taksama niekatoryja mastackija tvory: «Try muškieciory» Alaksandra Dziuma, «Maładaja hvardyja» Alaksandra Fadziejeva, apaviadańni Džeka Łondana, «Piotr Pieršy» Alaksieja Tałstoha.

Usie knihi byli nie novymi: u plamach i drapinach, z paškodžanymi vokładkami, padranymi staronkami. Śpiecyjalisty Dziaržkamiteta sudekśpiertyz u chodzie praviedzienych adpaviednych mierapryjemstvaŭ vyznačyli, što sumarny košt dasłanych pradaŭcom knih nie pieravyšaje 20 rubloŭ.

Клас
0
Панылы сорам
5
Ха-ха
2
Ого
1
Сумна
0
Абуральна
2