Adnak jaho syn Pavieł taksama nie hrebuje nataŭskim ryštunkam i adpaviednaj rasfarboŭkaj. U vieraśni vajenkar KP Nadana Frydrychsan sfatahrafavałasia z Paŭłam na froncie, dzie, jak śćviardžajecca, jon vajuje ŭ baćkavaj PVK. Analityk Bellingcat Aryk Toler apaznaŭ jaho, vykarystoŭvajučy fota z akaŭnta Paŭła Pryhožyna, piša «Možiem objaśniť».
Na hetaj fatahrafii hałavu Paŭła zakryvaje šlem, padobny na amierykanski Enhanced Combat Helmet, jon abhornuty ŭ čachoł nataŭskaj rasfarboŭki Multicam pad koler usioj amunicyi hetaha bajca. Taki šlem moža kaštavać da 100 tys. rubloŭ (kala 4 tysiač biełaruskich).
Na rukach u Paŭła — amierykanskija taktyčnyja palčatki dla stralby Mechanix M-Pact. Tors Paŭła zakryvaje brytanskaja taktyčnaja kamizelka DCS Warrior Assault Systems. Kurtcy (u nataŭskaj rasfarboŭcy Multicam, jak u Paŭła) addajuć pieravahu nie tolki najmity Vahniera, ale i raźviedčyki Minabarony RF. Takuju vopratku jany kuplajuć za svoj košt, choć u vojsku navat «śpiacy» mohuć atrymać vymovu ad kamandavańnia za vykarystańnie «varožaj» rasfarboŭki, što, zrešty, mnohich nie spyniaje.
Na nahach u syna kiraŭnika najmitaŭ słavackija taktyčnyja čaraviki Lowa Zephyr, jany kaštujuć ad 26 tys. rubloŭ (kala 1000 biełaruskich), zatoje kaleni Paŭła Pryhožyna pad abaronaj ajčynnaha vytvorcy — nakaleńniki «Ryś» možna kupić za 3,5 tys. rubloŭ (140 biełaruskich). Miarkujučy pa fota Paŭła ź mirnaha žyćcia, jon lubiŭ raskošu, a dla honak na pierasiečanaj miascovaści addavaŭ pieravahu kanadskamu spartyŭnamu kvadracykłu BRP Maverick, jaki kaštavaŭ ad 2 da 3 młn rubloŭ (80 000 — 120 000 biełaruskich).
