Abstreły pačalisia z samaha ranku.

«Usie słužby vyjazdžajuć na miesca. Zastavajciesia va ŭkryćciach», — napisaŭ Vital Kličko pra abstreły Dziaśnianskaha i Dniaproŭskaha rajonaŭ Kijeva.

Jon paviedamlaŭ taksama pra vybuchi ŭ Hałasiejeŭskim rajonie.

U vyniku siońniašniaj ataki Charkaŭ i Pałtava zastalisia bieź śviatła.

U Kryvym Rozie rakieta trapiła ŭ žyły dom. Dva čałavieki zahinuli, jašče piać špitalizavanyja. Taksama paviedamlajuć pra vybuchi ŭ Zaparožžy — pa rehijonie nanieśli kala 12 rakietnych udaraŭ.

Z-za pahrozy rakietnych udaraŭ u niekatorych abłaściach uviali ekstrannaje adklučeńnie elektryčnaści, naprykład, u Sumskaj, Kiravahradskaj, Žytomirskaj, Čarkaskaj abłaściach.

Pradstaŭnik Pavietranych sił USU Juryj Ihnat zrabiŭ spravazdaču ab tym, jakija rasijskija rakiety siońnia byli vypuščanyja pa terytoryi Ukrainy:

«Vypuščanyja tradycyjna z samalotaŭ Tu-95 — heta rakiety Ch-555 i Ch-101. Jość puski «Kalibraŭ» z Čornaha mora, jość zapuski rakiet S-300. Taksama jość praca bambardziroŭščykaŭ Tu-22 M3, jakija puskajuć rakiety Ch-22. Taksama ŭ niebie adznačana praca MiH-31K, nośbitaŭ «Kinžałaŭ».

Клас
0
Панылы сорам
1
Ха-ха
1
Ого
0
Сумна
5
Абуральна
57