Padčas sustrečy ŭ Prazie biełaruskaj delehacyi ŭ składzie Alaksandra Milinkieviča, Uładzimira Navasiada i Paŭła Mažejki ŭ Ministerstvie zamiežnych spraŭ ź Janam Kahoŭtam ciaham 45 chvilin byŭ abmierkavany šyroki śpiektr pytańniaŭ, datyčnych raźvićcia stasunkaŭ pamiž Biełaruśsiu i Jeŭraźviazam.

Palityki damovilisia, što Čechija ŭ nastupnym hodzie budzie praciahvać raźvivać prahramy padtrymki ludziej, jakija praśledujucca pa palityčnych matyvach, i zaprašać biełaruskich studentaŭ na navučańnie u lepšych VNU Čechii.

Z češskaha boku płanujecca taksama ŭzmacnić padtrymku niezaležnych ŚMI, u pryvatnaści, «Jeŭraradyjo» i niezaležnaha biełaruskaha telekanału «Biełsat».

13—14 kastryčnika adbylisia sustrečy Alaksandra Milinkieviča z byłymi vice‑premjerami Rasijskaj Fiederacyi Jahoram Hajdaram i Hryhoryjem Jaŭlinskim. Padčas sustreč ź viadomymi rasijskimi palitykami abmiarkoŭvalisia pierśpiektyvy raźvićcia biełaruska‑rasijskich stasunkaŭ i supracoŭnictva ŭ halinie ekśpiertnych i analityčnych raspracovak prajektaŭ ekanamičnych reformaŭ u Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?