«Tak, u bližejšyja dni budzie jašče adzin kantrakt z vytvorcam, u hetym vypadku razmova idzie pra bajavyja bieśpiłotniki z bajavoj dalokaściu 40 kiłamietraŭ, i my budziem pieršaj krainaj u śviecie (akramia ZŠA), chto nabudzie ich u nastupnym hodzie», — skazaŭ u intervju partału LRT ministr Arvidas Anušaŭskas.
Na minułym tydni Litva padpisała z ZŠA damovu na 495 miljonaŭ dalaraŭ na nabyćcio sistem HIMARS. Kantrakt budzie vykonvać amierykanskaja kampanija Lockheed Martin. Zakupleny artyleryjski rakietny kompleks sumiaščalny ź inšymi technałohijami, što vykarystoŭvajucca litoŭskaj armijaj, tamu jaho budzie praściej intehravać u isnujučyja płany abarony i tym samym pavysić strymlivańnie.
Kamientujučy vizit Pucina ŭ Biełaruś, Anušaŭskas zajaviŭ, što, choć situacyja ź biaśpiekaj u rehijonie nie źmianiłasia, pahrozy nikudy nie dzielisia.
«Na hety momant situacyja ź biaśpiekaj u Litvie i va ŭsim našym rehijonie nie źmianiłasia — jakoj jana była, kali pačałasia vajna (suprać Ukrainy), takaja jana i jość (…). Na hety momant pahrozy kanviencyjnaha ŭdaru suprać krain NATA niama», — skazaŭ ministr.
