Fota: AP

Fota: AP

ISW nahadvaje, što Šajhu prapanavaŭ stvaryć novy armiejski korpus i 17 novych dyvizij, u tym liku try — u akupavanych častkach Chiersonckaj i Zaparožskaj abłaściej Ukrainy.

«Vielmi małavierahodna, kab Kreml zmoh sfarmiravać takija vialikija kanviencyjnyja siły ŭ takija terminy, kab jany paŭpłyvali na chod vajny va Ukrainie. Farmiravańnie dyvizij — heta doraha i patrabuje času», — pišuć analityki ISW.

Jany nahadvajuć, što Rasija nie zmahła zapoŭnić štat navat najaŭnych bryhad i pałkoŭ da ŭvarvańnia va Ukrainu i nie sfarmiravała da 2022 hoda całkam tuju dyviziju, pra stvareńnie jakoj było abvieščana ŭ 2020 hodzie.

«Rasijskaja ekanomika ŭ recesii, i jaje zdolnaść stvarać dyvizii z momantu poŭnamaštabnaha ŭvarvańnia va Ukrainu istotna skaraciłasia», — ličyć ISW.

U toj ža čas, adznačajuć amierykanskija analityki, Rasija, mahčyma, z časam zmoža ažyćciavić abvieščanyja ministram Šajhu płany — ale tolki kali vyrašyć achviaravać dziela hetaha dabrabytam nasielnictva, jak heta rabili ŭ SSSR. U hetaj suviazi ISW nahadvaje, što Pucin na kalehii minabarony zapeŭniŭ Šajhu i vajennych, što armija atrymaje ŭsio, što ličyć nieabchodnym.

Клас
13
Панылы сорам
7
Ха-ха
9
Ого
0
Сумна
0
Абуральна
4