Ekśpierymient pravodzicca z 19 śniežnia hetaha hoda pa 30 krasavika 2023-ha. Dla jaho abranyja pa try ŭstanovy adukacyi ŭ kožnym rehijonie:
- u Bresckaj vobłaści — Małaryckaja siaredniaja škoła № 1, SŠ № 1 Bresta, siaredniaja škoła vioski Čarnaŭčycy;
- u Viciebskaj — viciebskaja himnazija № 1 imia Žaresa Ałfiorava, haradockaja SŠ № 2 imia Sabaleŭskaha, Dabramyślinskaja siaredniaja škoła imia Cichmianava Loźnienskaha rajona;
- u Homielskaj vobłaści — SŠ № 74 Homiela, SŠ № 4 Rečycy, Torfazavodskaja siaredniaja škoła;
- na Hrodzienščynie — SŠ № 37 Hrodna, SŠ № 1 Ščučyna i Viarejkaŭskaja siaredniaja škoła;
- na Mahiloŭščynie — SŠ № 39 Mahilova, SŠ № 45 Mahilova i Viajnianskaja siaredniaja škoła;
- u Minskaj vobłaści — Niaśvižskaja himnazija, SŠ № 1 Fanipala i Dzieščanskaja siaredniaja škoła Uździenskaha rajona;
- u Minsku — siaredniaja škoła № 52, siaredniaja škoła № 121 imia Jahorava i himnazija № 16.
U chodzie ekśpierymientu ŭłady chočuć vyvučyć smakavyja pieravahi dziaciej z dapamohaj ankietavańnia baćkoŭ i navučencaŭ i ŭdaskanalić arhanizacyju charčavańnia. Naprykład, miarkujecca pierasunuć čas pieršaha pryjomu ježy na bolš poźni, a kolkaść pachodaŭ u stałovuju budzie zaležać ad ahulnaha času znachodžańnia ŭ škole ŭ toj ci inšy dzień.
Taksama buduć aprabavanyja novyja technałohii pryhatavańnia ježy, raspracavanaje prykładnaje dvuchtydniovaje mieniu.
1
1
2
0
0
0
