23.12.2022
/ 16:48 / Ałharytmičny łacinski varyjant
Suprać krymskaha vykładčyka, jaki słuchaŭ sa studentami pieśniu pra «Bajraktar», raspačali spravu ab paŭtornaj «dyskredytacyi» armii
Suprać byłoha vykładčyka Biełahorskaha technikuma Andreja Biełaziorava raspačali kryminalnuju spravu ab paŭtornaj «dyskredytacyi» rasijskaj armii. Padstavaj dla spravy staŭ dopis Biełaziorava ad 9 kastryčnika, u jakim havaryłasia, što rasijskaja armija vosiem hadoŭ bambiła «niavinnych dziaciej i žančyn Ukrainy na Danbasie, pavaročvajučy harmaty ź pieradavoj u bok Daniecka», a apošnija paŭhoda «bambić ukrainskija harady i zabivaje ŭkrainskich žycharoŭ».
U Biełaziorava ŭžo byŭ adzin pratakoł pa administracyjnym artykule ab «dyskredytacyi» armii ŭ vieraśni — padstavaj dla hetaha staŭ videazapis, na jakim jon ź niekalkimi studentami hladzieŭ rolik z ukrainskaj pieśniaj pra bieśpiłotnik «Bajraktar». Jaho abvinavacili taksama ŭ demanstracyi nacysckaj simvoliki i aryštavali na 13 sutak.
U kancy kastryčnika Biełaziorava znoŭ abvinavacili ŭ raspaŭsiudzie nacysckaj simvoliki z-za dopisu z ukrainskaj pieśniaj «Čiervona Kalina» va «UKantakcie» i aryštavali na 14 sutak.
Da śledčaha Biełazioraŭ, jak piša «AUS-Infa», pryjšoŭ paśla taho, jak toj vyklikaŭ jaho pa telefonie. Centralny rajonny sud Simfieropala siońnia vybiera jamu mieru strymańnia.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
