Siarod vynikaŭ pajezdki ŭ Amieryku Zialenski nazvaŭ rašeńnie pa ŭzmacnieńni SPA, pracu Kanhresa nad vydačaj Ukrainie 45 młrd dołaraŭ, istotnyja stratehičnyja damoŭlenaści z ZŠA na najbližejšyja miesiacy.
Jon taksama nie vyklučyŭ, što nadalej budzie praciahvać vizity za miažu.
«Kali niejki vizit patencyjna budzie mieć takoje ž značnaje stratehičnaje napaŭnieńnie, jak u Złučanyja Štaty, kali ad vynikaŭ vizitu buduć naŭprost zaležać našy Uzbrojenyja Siły, usie našy Siły abarony, kali toj ci inšy naš partnior hatovy brać na siabie lidarstva ŭ realizacyi punktaŭ Ukrainskaj formuły miru, kali mohuć być vyznačalnyja zachady dla paskareńnia našaj pieramohi, to jak vyklučeńnie z ahulnaj praktyki vajennaha času mohuć być maje pieramovy i na asabistym uzroŭni», — adznačyŭ prezident Ukrainy.
