Fota: AP Photo/Ng Han Guan, File
«Asoby, jakija prybyvajuć u Kitaj, pavinny prajści PCR-testavańnie za 48 hadzin da adjezdu. U vypadku admoŭnaha vyniku jany zmohuć ujechać u KNR biez zapytu koda zdaroŭja ŭ pasolstvie abo konsulstvie pry zapaŭnieńni mytnaj dekłaracyi ab stanie zdaroŭja», — havorycca ŭ paviedamleńni.
Dziejničać sproščanyja miery pačnuć užo z 8 studzienia. U hety dzień COVID-19 płanujuć vyklučyć sa śpisu zachvorvańniaŭ tak zvanaha kłasa «A», jaki maje na ŭvazie asablivyja abmiežavańni pamiežnaha kantrolu.
U 2020 hodzie na fonie pandemii karanavirusa ŭłady Kitaja ŭviali abmiežavańni na ŭjezd u krainu. Suchaputnyja miežy byli zakrytyja, a ŭsie, chto prybyvaje z-za miažy, musili prajści karancin. Spačatku jon składaŭ try tydni, ale pastupova skaračaŭsia, i ciapier dastatkova izalavacca na piać dzion.
Kitajskaja nadzvyčaj surovaja stratehija baraćby ź virusam, jakaja atrymała nazvu «nulavoha kavidu», mieła jak svaje plusy, tak i minusy, ale minusaŭ u joj, zdajecca, akazałasia ŭsio ž bolš. Niadaŭna z-za niezadavolenaści nasielnictva pa Kitai prakaciłasia chvala pratestaŭ, a paśla asłableńnia antykavidnych zachadaŭ nasielnictva biez naturalnaha imunitetu stała mocna chvareć.
Čytajcie taksama:
U Kitai za adzin dzień zarazilisia karanavirusam 37 miljonaŭ čałaviek
U Kitai pratesty suprać kavidnaha łakdaŭnu pierarastajuć u antyŭradavyja
Kavidnyja pratesty ŭ Kitai: žychary Urumčy praviali demanstracyju paśla pažaru ŭ šmatpaviarchoviku
Kitajskuju stratehiju «nulavoha kavidu» mnohija ličyli ŭzornaj. Ale Kitaj, zdajecca, zahnaŭ siabie ŭ kut
