Fota: facebook.com/GeneralStaff.ua
Svaju vysnovu jany abhruntoŭvajuć tym, što surjoznyja straty na bachmuckim kirunku vymusili rasijskija vojski skaracić maštab nastupalnych dziejańniaŭ da ŭzroŭniu asobnych atradaŭ.
Pradstaŭnik Uschodniaha kamandavańnia Uzbrojenych Sił Ukrainy pałkoŭnik Siarhiej Čerevaty zajaviŭ u aŭtorak, što rasijskija vojski ŭ rajonie Bachmuta bolš nie atakujuć rotami abo bataljonna-taktyčnymi hrupami (BTH), dziejničajuć zamiest hetaha nievialikimi atradami kolkaściu ad 10 da 15 čałaviek.
ISW nahadvaje, što padobnaje adbyvałasia ŭ žniŭni na chiersonskim kirunku, kali rasijskija siły hetak ža istotna dehradavali, pierajšoŭšy da dziejańniaŭ nievialikimi atradami zamiest BTH, jak raniej. Heta słužyła śviedčańniem taho, što rasijskaja armija na hetym kirunku bolš nie zdolnaja dziejničać padraździaleńniami, dosyć bujnymi dla asensavanaha prasoŭvańnia.
Pa mierkavańni amierykanskich analitykaŭ, temp prasoŭvańnia rasijskich vojskaŭ u rajonie Bachmuta apošnim časam zapavoliŭsia na fonie rostu prablem z asabovym składam i bojeprypasami. Vidać, u bližejšaj pierśpiektyvie heta nie dazvolić im padtrymlivać vysokuju intensiŭnaść dziejańniaŭ na hetym kirunku.
Pierachod da vykarystańnia nievialikich atradaŭ staŭ vynikam praciahłaj vajny na źniasileńnie i pakazvaje na dehradacyju farmiravańniaŭ na uzroŭniach vyšej za ŭzvod.
Vidać, rasijskaje prasoŭvańnie ŭ rajonie Bachmuta praciahnie zapavolvacca ci spynicca naohuł, kali tolki źmieščanyja tam vojski nie atrymajuć u najbližejšy čas istotnaha padmacavańnia ŭ žyvoj sile i artyleryjskich snaradach, zaklučajuć ekśpierty ISW.
