Suchija droždžy z raźliku na 1 kh muki raźvieści ŭ šklancy źlohku ciopłaha (nie haračaha!) małaka i dadać 1 čajnuju łyžku cukru. Pastavić u ciopłaje miesca, pakul nie zašumiać.
Muku prasiejać.
2 jajki z pałovaj šklanki cukru raścierci da adnarodnaj masy.
100 hramaŭ masła rastapić i astudzić.
Źmiašać muku, jajki i masła, ulić droždžy i zamiasić ciesta. Ciesta musić adstavać ad ruk, miski, ale nie być krutym. Sfarmavać šar, nakryć vilhotnym ručnikom i dać pastajać hadzinku ŭ ciopłym miescy, kab padyšło.
Karycu źmiašajem z cukram (karyčnievy + bieły, napałovu).
Ciesta jašče raz pieraminajem, dzielim na dva kavałki. Raskačvajem kavałak u pramavuholnik, zmazvajem źlohku rastoplenym masłam i pasypajem cukram z karycaj. Skručvajem u rulet.
Rulet narazajem na kavałački 5—7 sm, zaščypvajem z adnaho boku i vykładvajem na zmazanuju alejem blachu. Toje ž robim i z druhim kavałkam.
Vypiakajem pry tempieratury 180 hradusaŭ da hatoŭnaści.
2 łyžački miakkaha raźmiakčanaha masła źmiešvajem z 4 łyžkami maskarpone ci padobnaha da jaho syru i dadajom cukrovuju pudru. Haračyja bułački zmazvajem kremam i dajom vysachnuć.
Smačna jeści!
bue
i vas:m
nie chvarać