Načalnik upraŭleńnia zienitnych rakietnych vojskaŭ pałkoŭnik Kirył Kazancaŭ. Skrynšot: videa Minabarony
«My razhladajem dźvie viersii: nienaŭmysny pusk zienitnaj kiravanaj rakiety z pryčyny nizkaj navučanaści raźliku abo niaspraŭnaść rakiety, albo heta naŭmysnaja pravakacyja Uzbrojenych sił Ukrainy», — zajaviŭ načalnik upraŭleńnia zienitnych rakietnych vojskaŭ pałkoŭnik Kirył Kazancaŭ.
Učora viedamstva zajaviła, što heta ŭkrainskaja zienitnaja rakieta ad S-300, jakuju źbili biełaruskija SPA.
Adnak da hetaj viersii jość pytańni.
«Na apublikavanych fota niama nijakich prykmiet taho, što rakieta była źbitaja», — skazaŭ «Našaj Nivie» adzin z vajskoŭcaŭ.
Padzieńnie abłomkaŭ rakiety pad Janavam adbyłosia padčas masiravanaj rakietnaj ataki Rasii pa ŭkrainskaj infrastruktury. Ukrainski bok śćviardžaje, što było vypuščana 69 rakiet, 54 ź jakich ukrainskaja supraćpavietranaja abarona źbiła. Kompleksy S-300 składajuć kaściak ukrainskaj procirakietnaj abarony.
Abłomki rakiety znajšli ŭ poli kala vioski Harbacha. Pry ich padzieńni nichto nie paciarpieŭ.
«Na fota śladoŭ paražeńnia niama»: vajskoviec vyśmiejaŭ zajavu Minabarony pra «źbituju ŭkrainskuju rakietu»
