Siabie Kvačkoŭ adnosić da adeptaŭ chryścijanskaha sacyjalizmu. Kampaniju jamu na prezientacyi skłaŭ Ihar Palikarpaŭ, čałaviek, jaki nazyvaje siabie majoram KDB SSSR.
Uvodziny ŭ knihu Kvačkoŭ charaktaryzuje koratka — my ci jany. My — tak Uładzimir nazyvaje «śvietła-ruski śviet», jany — «suśvietnaja presa, źviazanaja ź ciomnymi infiernalnymi siłami».
Potym Kvačkoŭ raptoŭna pytajecca ŭ naviednikaŭ prezientacyi, chto ź ich moža pračytać chryścijanskuju malitvu «Simvał viery». Relihijoznaje śvietaadčuvańnie, na jaho dumku, źjaŭlajecca nieabchodnym, kab zrazumieć, što adbyvajecca ŭ śviecie: «Jon [Karł Marks] skazaŭ, što ŭsio pačynajecca z vytvorčaj siły, vytvorčych adnosin, pamiatajecie hetuju chreń, prabačcie za hetaje słova? Usio nibyta idzie z materyjalnaha śvietu. Nasamreč materyjalny ci ekanamičny śviet źjaŭlajecca nizavaj, najnižejšaj stadyjaj śvietaŭładkavańnia, siaredniaja — heta palityčnaja, nad joj — duchoŭnaja i relihijnaja».
Takim čynam, pieršaja častka knihi — acenka «bijarelihijnaj i hieapalityčnaj abstanoŭki». Dalej Kvačkoŭ raskazvaje, što «ateizm — heta cyvilizacyjnaja pastka i tupik dla Rasii», i «kali zastaniomsia ŭ hanarystaści, źnikniem», razhladaje supraćstajańnie navuki i relihii.
Dyk što ŭvohule jon prapanuje? Ruski chryścijanski sacyjalizm, jaki Kvačkoŭ rasšyfroŭvaje jak «ruska-rasijskaja relihijna-duchoŭnaja asnova dla arhanizacyi nacyjanalnaha ideałahičnaha supracivu hłabalnaj libieralna-fašysckaj palityka-bijałahičnaj dyktatury i ličbavamu rabstvu».
Dalej pałkoŭnik zakranaje pytańnie dziaržaŭnaj ideałohii i taho, što, kali jana zamacavanaja ŭ Kanstytucyi, heta nibyta dobra, i narešcie pierachodzić da «50 tezisaŭ manifiesta ruskaha śvietu».
Adznačym siarod ich ideju pra «tryadziny ruski narod — vielikarosy, małarosy i biełarusy, jaki źjaŭlajecca dziaržavatvornym narodam Rasii»; u pracesie tłumačeńnia jaje Kvačkoŭ ździviŭ tezisam pra «biełaruskich palakaŭ jak karenny narod Biełarusi». Hety «narod», pa «padlikach» Kvačkova, da kanca XXI stahodździa pavinien dasiahnuć kolkaści ŭ 1 miljard, i heta — najvažniejšaja zadača.
Kvačkoŭ vykazvaŭ i svaje ciemrašalskija pohlady nakont jaŭrejaŭ. «Sa 100 asob jaŭrejskaha pachodžańnia — 1 jaŭrej i 99 žydoŭ», — jaho tezis.
Rasšyfrujem jašče termin «ruski chryścijanski sacyjalizm», jaki prapanuje publicy Kvačkoŭ. Pavodle jaho, pravasłaŭje — heta i jość adzinaje chryścijanstva, tamu chryścijanski roŭny pravasłaŭnamu, i kvačkoŭskaja ideałohija nibyta bazirujecca na chryścijanskich kaštoŭnaściach. Cikava, što pry hetym zasnavalnikami chryścijanskaha sacyjalizmu pałkoŭnik nazyvaje zachodniejeŭrapiejskich aŭtaraŭ.
Čamu ž sacyjalizm? Kvačkoŭ razhladaje historyju Savieckaha Sajuza jak pieršuju sprobu «stvareńnia na ziamli dziaržavy sacyjalnaj spraviadlivaści». Chacia Kvačkoŭ i identyfikuje siabie jak manarchista, dośvied SSSR jon nazyvaje biascennym, a sacyjalizm — samym spraviadlivym, zapatrabavanym i ekanamična efiektyŭnym sposabam viadzieńnia narodnaj haspadarki.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Hałoŭnyja miemy i hałoŭny danosčyk, nadziei i kanśpirałohija — asnoŭnyja ludzi i padziei 2022 hoda
Zakryli Čyrvony kaścioł, prybrali bareljef Kalinoŭskaha i pryraŭniali «Žyvie Biełaruś» da nacyzmu. Čym zajmalisia biełaruskija ŭłady ŭ hod histaryčnaj pamiaci
Infakazačka Bondarava pastupiła ŭ BDPU. Zdahadajciesia, na jakuju śpiecyjalnaść
