Fota: Sergei Bobylev, Pool Sputnik Kremlin
«Nie sumniajusia, što my znojdziem mahčymaść sustrecca asabista. Čakajem vas, pavažany spadar Staršynia, darahi siabar, čakajem vas viasnoj nastupnaha hoda ź dziaržaŭnym vizitam u Maskvu. Heta prademanstruje ŭsiamu śvietu tryvałaść rasijska-kitajskaj suviazi pa klučavych pytańniach», — skazaŭ Pucin padčas videakanfierencyi pamiž dvuma lidarami, što tranślavałasia pa rasijskim dziaržaŭnym telebačańni.
Taksama Pucin zajaviŭ, što maje namier umacoŭvać vajennaje supracoŭnictva z Kitajem.
«Viadoma, asablivaje miesca va ŭsim kompleksie rasijska-kitajskich adnosinaŭ zajmaje vajennaje i vajenna-techničnaje supracoŭnictva, jakoje spryjaje harantavańniu biaśpieki našych krain i padtrymańniu stabilnaści ŭ klučavych rehijonach. My naceleny ŭmacoŭvać uzajemadziejańnie pamiž US Rasii i Kitaja», — dadaŭ jon.
Adnak, jak zaŭvažyła ahienctva Reuters, słovy i nastroj Pucina ŭ jahonym vystupie, jaki doŭžyŭsia 8 chvilin, kantrastavali sa značna bolš strymanym i karotkim vystupam Si Czińpinia.
Choć Si i vykazaŭsia na karyść pašyreńnia stratehičnaha supracoŭnictva z Rasijaj na fonie «niaprostaj» situacyi ŭ śviecie, jon pry hetym nijak nie adreahavaŭ na zaprašeńnie svajho kalehi ŭ Maskvu.
«Uličvajučy niaprostuju, daloka nie adnaznačnuju mižnarodnuju abstanoŭku, my hatovy naroščvać stratehičnaje ŭzajemadziejańnie z Rasijaj i davać adno adnamu mahčymaści zastavacca hłabalnymi partniorami na karyść narodaŭ našych krain i ŭ intaresach stabilnaści va ŭsim śviecie», — zajaviŭ kitajski lidar.
Nahadajem, što, niahledziačy na toje, što Rasija niadaŭna stała hałoŭnym pastaŭščykom syroj nafty ŭ Kitaj i publična padtrymała kitajskija pretenzii na Tajvań, sam Piekin da hetaha času staraŭsia nie akazvać pramoj materyjalnaj padtrymki Maskvie ŭ jaje vajennym uvarvańni va Ukrainu, bo heta mahło b spravakavać Zachad na ŭviadzieńnie novych sankcyj suprać Kitaja.
Piekin u toj ža čas ŭstrymlivajecca i ad pramoha asudžeńnia vajny, zamiest hetaha padkreślivaje nieabchodnaść miru. Pry hetym Pucin u vieraśni publična pryznaŭ, što jaho kitajski kaleha «zaniepakojeny» dziejańniami Rasii.
Pa słovach pres-sakratara Kramla Dźmitryja Piaskova, data mahčymaha dziaržaŭnaha vizitu Si Czińpinia ŭ Maskvu jašče navat nie pryznačana.
