Skrynšot ź videa
U pryvatnaści, pryniatyja źmieny ŭ zakon «Ab Nacyjanalnym schodzie Respubliki Biełaruś», paviedamlaje BiełTA. Zamiest dvuch parłamienckich siesij budzie adna — ź vieraśnia pa červień. Pry hetym pazačarhovyja siesii buduć sklikacca nie Łukašenkam, a staršyniami pałat. Zamacavanyja pravy Parłamienta zasłuchoŭvać hienieralnaha prakurora, staršyniaŭ Kamiteta dziaržaŭnaha kantrolu i Nacyjanalnaha banka, prymać miery pa raźvićci miascovaha samakiravańnia.
Taksama praduhledžana, što členam Savieta Respubliki pažyćciova ź jaho zhody źjaŭlajecca prezident Biełarusi, jaki spyniŭ vykanańnie svaich paŭnamoctvaŭ. Da liku funkcyj staršyni Savieta Respubliki dadatkova adniesiena ažyćciaŭleńnie paŭnamoctvaŭ prezidenta ŭ vypadku vakansii pasady kiraŭnika dziaržavy.
Ciapier staršynia Savieta Respubliki — Natalla Kačanava. Atrymlivajecca, u vypadku śmierci Łukašenki jana zojmie pasadu prezidenta da novych vybaraŭ.
Akramia taho, vyklučany šerah paŭnamoctvaŭ Parłamienta, jakija byli pieradadzienyja Usiebiełaruskamu narodnamu schodu, u tym liku na abrańnie sudździaŭ Kanstytucyjnaha Suda i členaŭ Centralnaj vybarčaj kamisii, zaćviardžeńnie asnoŭnych napramkaŭ unutranaj i źniešniaj palityki, vajennaj daktryny.
Łukašenka taksama pryniaŭ źmieny ŭ zakon «Ab statusie deputata Pałaty pradstaŭnikoŭ, člena Savieta Respubliki Nacyjanalnaha schodu Respubliki Biełaruś».
Ciapier, naprykład, nielha budzie zajmać pasadu deputata ci sienatara, kali maješ zamiežnaje hramadzianstva, a taksama dakumienty zamiežnych dziaržaŭ, jakija dajuć prava na lhoty i inšyja pieravahi (raniej takija dakumienty dastatkova było zdać u kadravuju słužbu).
